Oseo 10:10 - Tosi Tapu

¹⁰ E kau tautea loa latou o mulimuli ki loku loto, Ti e fakatasi loa ni kakai kia latou, Mo ka sai loa latou ki tini o tupu ko lalatou agaveli kua liuga lua.

Oseo 10:10 ပူးပေါင်းရင်းမြစ်များ

Uluaki tosi o Sau 12:28

I le oki o lana afa tokoi, na fai loa e le sau ni pipi aulo e lua, ti na pati loa a ia ki le kakai : Kua fualoa ai lakoutou tau pale ki Selusalemi ; Iselaele ! ko leinei lou atua, leia na fakamavae ia a koe mei le fenua ko Esipito.

Sopo 39:10

E kata a ia ki le logoa o kolo, E leaise logo a ia ki le kalaga a se pule.

Esaia 1:24

Koia ko leinei le nea e fakasa e le Aliki, le Eteleno o kau tau, Le Makeke o Iselaele : Io, e kau liufaki loa le veli kia latou ala na agatuu kiate au, Ti e kau totogi loa ki oku fili.

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 16:16

E pati le Eteleno : Ko leinei, e kau kakau loa ni kau faifeua toka api, ti e lotou fagotai loa latou ; Ti ka oki le nea lena, e kau kakau loa ni kau kapu manu toka api, ti e lotou kapu loa latou Mei mauga fuli, mo mauga liliki fuli, Ti mo ana o utu.

Selemia 21:4

E folafola le Eteleno, le Atua o Iselaele, o pati : Ko leinei e kau fakamaliu loa a masafu ala e too i okoutou lima, ala e kotou taui ai i le tua kolo le sau o Papilone mo le kau Kaletea ala e takatakai ia koutou, ti e kau fakatasii mai loa latou ki loto malie o le kolo leinei.

Esekiele 16:37

Ko leinei, e kau fakatasii loa au feauaki fuli ala na ke fiafia ai, latou fuli ala na ke alofa ki ai, mo latou fuli ala na ke vesia ki ai, e kau fakatasii mai loa latou i potu fuli kiate koe, ti e kau fakasa loa kia latou lou telefua, ti e lotou tio fuli loa ki lou telefua.

Esekiele 16:42

E kau fakafimalie loa i ai loku sausau kiate koe, ti e kau siki loa iate koe loku finenonofo, ti e kau fimalie loa, ti e leaise kau toe ita loa.

Esekiele 23:46

Talie e folafola le Aliki, le Eteleno, o pati : E kau aumai loa se kakai toka api kia laua, Ti e kau tuku loa laua ki le kaia.

Esekiele 23:9

Koia na kau tuku ai a ia ki lima o ana feauaki, Ki lima o fanau o Asilia, Ala na oli makeke a ia ki ai.

Esekiele 5:13

E kau fagai loa ke makona loku sausau, ti e kau fakavilo loa loku sausau kia latou o kaku ki loku fimalie ; ti e lotou iloa loa ko au, le Eteleno, kua kau masau i loku sausau, o liligi kia latou loku mafaia.

Oseo 10:9

Iselaele, na ke agasala talu mei aso o Kipea ! I ai na lotou tutuu loa i aluga. Na leaise kaku loa kia latou le tau ki le kau agaveli i Kipea.

Oseo 4:19

E kofu loa latou e le matagi ki ona kapakau, Ti e lotou luma loa i alatou sakilifisio.

Oseo 4:9

E tatau loa ki le tagata faisakilifisio mo le kakai : E kau tautea loa a ia o mulimuli ki ona ala, E kau totogi loa kiate ia o mulimuli ki ana gaoi.

Oseo 8:1

Fakatuu le fakatagi pupusi ki lou gutu ! E oso le fili ofaipe se akuila ki le fale o le Eteleno, O tupu na lotou maumaui laku sai, Ti na lotou patigataa ki laku lao.

Oseo 8:10

Logo ai na lotou fai ni nea alofa ki atu puleaga, I le temi nei e kau fakatasi latou, Ti kua vave fua le temi leia e lotou mamae ai loa i le kavega a le sau o aliki.

Mateo 22:7

Na ita lasi ai le sau ; ti na kakau loa e ia lana kau solia ke ano o tamate le kau tukipo lena, ti mo tutu lolatou kolo.

Tetelonome 28:63

O tatau mo le fiafia leia na maua e le Eteleno o fai kia koutou le nea malie ti mo liuliuga koutou, e toe tatau foki mo le fiafia leia e maua loa e le Eteleno o tamate koutou ti mo maumaui koutou. Ti e taaki loa e ia koutou mei le kele leia e ke ulu loa ki ai o maua tofiga.