Oseo 1:6 - Tosi Tapu

⁶ Na toe tinae loa Komela ti na fanaui loa e ia se taine. Ti na pati loa le Eteleno kia Ose : Fakaigoa a ia ko Lolusama ; talie e leaise kau toe alofa loa ki le fale o Iselaele, ti e leaise kau toe fakamolemole loa kiate ia.

Oseo 1:6 ပူးပေါင်းရင်းမြစ်များ

Lua tosi o Sau 17:20

Na tiaki loa e le Eteleno le lanu katoa o Iselaele ; ti na fakamamae e ia latou, ti na tuku e ia latou ki lima o le kau maumau, ti na fakaoki loa e ia ki le kapu o latou ke mamao mei ona mua.

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Oseo 1:8

Na puaki loa e Komela a Lolusama, ti na toe tinae loa a ia, o toe fanau ko se tama.

Oseo 2:23

E folafola le Eteleno, o pati : I le aso lena, e kau tali loa, e kau tali loa ki le lagi, e tali loa e ia le kele ;

Oseo 2:4

Kotou kole, kotou kole ki lokoutou tinana, talie e leaise ko laku avaga a ia, ti e leaise ko lona avaga au ! Ke sau e ia ana faiaga mei ona mua, ti mo ana tono tagata mei le vasa o ona u !

Amosi 7:8

Na pati mai loa le Eteleno kiate au : Kolea e ke tio ki ai, Amosi ? Na kau tali loa : Ki se nivo. Ti na pati loa le Aliki : E kau tuku loa le nivo ki loto malie o loku kakai ko Iselaele, E leaise kau toe fakamolemole loa kiate ia.

Amosi 9:8

Ko leinei, e tio a mata o le Aliki, le Eteleno, ki le puleaga agasala. E kau maumaui loa a ia i aluga o le malama nei ; Kae e leaise kau maumaui katoa loa le fale o Sakopo, E pati le Eteleno.

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.