Oseo 1:4 - Tosi Tapu

⁴ Ti na pati loa le Eteleno kiate ia : Fakaigoa a ia ko Siseleele ; talie koi toe fai se ga temi ikiiki, ti e kau tautea loa le fale o Seu, o tupu ko le toto leia na liligi i Siseleele, ti e kau fakagato loa le puleaga o le fale o Iselaele.

Oseo 1:4 ပူးပေါင်းရင်းမြစ်များ

Lua tosi o Sau 10:1

Na nonofo i Samalia a vosa e tino fitu o Akapo. Na fai loa e Seu ni tosi o ave ki Samalia ki pule o Siseleele, ki le kau matua mo kovana o fanau a Akapo. Na pati i tosi ana :

Lua tosi o Sau 10:17

I le kaku loa a Seu ki Samalia, na tamate loa e ia latou fuli ala na kau kia Akapo i Samalia, ti na maumaui katoa e ia latou, o mulimuli ki le folafola leia na fakasa e le Eteleno kia Elia.

Lua tosi o Sau 15:29

I le temi o Pekase, sau o Iselaele, na au loa Tikalate-Pilesele, sau o Asilia, o too Isone, mo Apele-Pete-Maaka, mo Sanoake, mo Ketesi, mo Atesoa, mo Kalaate, mo fenua o Kalilea, mo le fenua katoa o Nefetali, ti na ave popula loa e ia ona kakai ki Asilia.

Lua tosi o Sau 15:8

I le fetuu kau tolu tupu valu o le sau o Asalia, sau o Suta, na sau loa Sakalia, vosa o Selopoamo, i Samalia ki Iselaele. Na sau loa a ia i masina e ono.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Esaia 8:3

Na kau momoe loa mo laku avaga, le fafine polofeta ; na tinae loa a ia, ti na fanaui loa e ia se tama. Na pati mai loa le Eteleno kiate au : Fakaigoa a ia ko Maele-Salale-Kase-Pase.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 20:3

I le ala usu ake, na fakamavae loa e Pasule a Selemia mei le pilisoni. Ti na pati loa Selemia kiate ia : E leaise ko le igoa leia ko Pasule e tuku atu e le Eteleno kiate koe, kae ko leia o Makole-Misapipe.

Selemia 23:2

Koia e folafola ai le Eteleno, le Atua o Iselaele, o pati Ki tagata tausi manu ala e fagai ia loku kakai : Na kotou fakamavete laku kau ovi, na kotou kapu latou, Na leaise kotou tokaga kia latou. Ko leinei, e kau tautea loa koutou o tupu ko le agaveli o akoutou gaoi, E pati le Eteleno.

Selemia 3:8

Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Esekiele 23:10

Na lotou tio ki lona telefua, Na lotou too ona vosa mo ona taineliki, Na lotou tamate a ia totonu ki le seleta ; Na logologona a ia i fafine, O tupu ko tautea ala na fai kiate ia.

Esekiele 23:31

Na ke saele i le ala o lou taina mua, Koia e kau fakavilo ai loa lona ipu ki lou lima.

Oseo 1:6

Na toe tinae loa Komela ti na fanaui loa e ia se taine. Ti na pati loa le Eteleno kia Ose : Fakaigoa a ia ko Lolusama ; talie e leaise kau toe alofa loa ki le fale o Iselaele, ti e leaise kau toe fakamolemole loa kiate ia.

Oseo 1:9

Ti na pati loa le Eteleno : Soli kiate ia le igoa ko Loami ; talie e leaise ko loku kakai koutou, ti e leaise ko lokoutou Atua au.

Oseo 2:13

E kau fakagato loa lona fiafia katoa, mo ona aso lalasi, mo ona masina foou, mo ona sapato, ti mo ona katoaga fakaalialiki fuli.

Oseo 2:22

E kau liliu loa ko lou avaga i le agatonu, ti e ke iloa loa le Eteleno.

Oseo 9:17

E tiaki loa latou e loku Atua, o tupu na leaise lotou fakalogo kiate ia, Ti e lotou foli noa loa i atu puleaga.

Amosi 9:8

Ko leinei, e tio a mata o le Aliki, le Eteleno, ki le puleaga agasala. E kau maumaui loa a ia i aluga o le malama nei ; Kae e leaise kau maumaui katoa loa le fale o Sakopo, E pati le Eteleno.

Mateo 1:21

E fanaui loa e ia se tama, e ke soli loa kiate ia le igoa ko Sesu, talie ko ia loa leia ka saofaki ia loa lona kakai mei alatou agasala.

Luka 1:13

Kae na pati loa le aselo kiate ia : Aua na ke i, Sakalia, talie kua tali lau kole. E fanaui loa e lou avaga ko Elisapeta se vosa kiate koe, ti e ke soli loa kiate ia le igoa ko Soane.

Luka 1:31

Ti ko leinei, e ke tinae loa, ti e ke fanaui loa se tama, ti e ke soli loa kiate ia le igoa ko Sesu.

Luka 1:63

Na kole loa e Sakalia se ga pepa, ti na tosi loa e ia ki ai : Ko Soane lona igoa. Na lotou punamauli fuli loa.

Soane 1:42

Ti na taki loa e ia a ia kia Sesu. I le tio a Sesu kiate ia, na pati loa a ia : Ko koe ko Simone, vosa o Sonasi, e fakaigoa loa a koe ko Kefasi (ko lona uiga ko Petelo, fa fatu).

Sosue 19:18

Na fakalaka lolatou koiga i Siseleele, mo Kesuloti, mo Sunemi,