Oseo 1:2 - Tosi Tapu

² I le uluaki fakasa e le Eteleno lana folafola kia Ose, na pati le Eteleno kia Ose : Ano, o too se fafine faiaga mo ni fanau o le faiaga ; talie kua faiaga le fenua ti kua tiaki e ia le Eteleno !

Oseo 1:2 ပူးပေါင်းရင်းမြစ်များ

Lua tosi o Koloniko 21:13

kae na ke saele i le ala o sau o Iselaele, o tupu na ke taki le kakai o Suta mo le kakai o Selusalemi ke fai feauaki ki taulaatua, ofaipe le nea leia na fai e le famili o Akapo ki Iselaele, o tupu na ke tamate ou fetaina, ala na malilie ake iate koe, le fale totonu o lou tamana,

Pesalemo 106:39

Na lotou fakakelekele loa latou ki alatou gaoi, Na lotou faiaga loa ki alotou gaoiaga.

Pesalemo 73:27

Talie ko leinei, ko latou ala e fakamamao iate koe e mamate ; E ke maumaui latou fuli ala na vesia kiate koe.

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 2:23

E feaki loa lau pati : Na leaise kau fakakelekele, Na leaise kau ano ki Paale ? Tio ki ou lakaaga i le vaivailiua, Fakamaoki ki le nea leia na ke fai, Kamelo vae gasolo mo vae mafi i le eva.

Selemia 3:9

I lana faiaga fakasasa, na fakakelekele e Iselaele loku fenua, talie na faiaga a ia mo le fatu mo le laakau.

Esekiele 6:9

Ko latou ala e sao loa e toe manatu loa kiate au I le lotolotoga o atu puleaga ala e lotou popula ai, Talie e kau fatifatii loa olatou loto sese mo patigataa, Mo olatou mata ala na faiaga ki olatou taulaatua ; E lotou fakalialia loa kia latou totonu, O tupu ko agaveveli ala na lotou fai, O tupu ko alatou aga fakalialia fuli.

Oseo 2:7

Talie na faiaga lolatou tinana, ti ko leia na fakatupu ia latou na fai nea fakalumaluma, o pati : E kau ano loa ki aku feauaki, latou ala na soli ia mai kiate au laku pane, mo laku vai, mo laku fului manu, mo le kie tea, mo le lolo, ti mo laku vino.

Oseo 3:1

Na pati mai loa le Eteleno kiate au : Toe ano, o alofa ki se fafine leia e alofa ki ai se tasi ake tagata, ti e tono tagata ki ai ; ke ke alofa kiate ia ofaipe le alofa o le Eteleno ki fanau o Iselaele, ala kua maliu ki ni atua kese ti kua manako ki kato fuai vite.

Oseo 5:3

E kau iloa Efalaimi, Ti e leaise munia Iselaele i oku mata ; Talie i le temi nei, Efalaimi, kua ke faiaga, Ti kua fakakelekele Iselaele.

Maleko 1:1

Kamataaga o le Evaselio o Sesu-Kilisito, Alo o le Atua.

Tetelonome 31:16

Na pati loa le Eteleno kia Moisese : ko leinei ka ke mate loa. Ti ko le kakai leinei e malaga ake loa ki aluga o faiaga mo atua kese o le fenua leia ka ulu loa a ia ki ai. E tiaki loa e ia au ti e maumaui loa e ia laku sai, leia na kau fakamaoki mo ia.

Lua tosi a Petelo 2:14

E apele olatou mata i le tono fafine, ti e leaise lotou makona i le agasala ; e lotou maselei a laumalie ala koi gagae ; ti kua poto olatou loto i le manumanu ki le paaga ; ko ni fanau latou o le malaia.

Apokalipisi 17:5

Ti na tosi i lona lae se igoa, ko se misitelio : Papilone lasi, ko le tinana o fafine fai feauaki mo fakalialia o le malama nei.