Numelo 6:26 - Tosi Tapu

²⁶ Ke fakasa e le Eteleno lona agamalie kiate koe, ti ke tuku atu e ia kiate koe lona tokamalie !

Numelo 6:26 ပူးပေါင်းရင်းမြစ်များ

Pesalemo 29:11

E soli e le Eteleno le makeke ki lona kakai. E tapuaki le Eteleno ki lona kakai, ti e fakafiafia e ia a ia.

Pesalemo 37:37

Ke ke tio ki le tagata leia e saosaoa, Ti ke ke tokaga ki le tagata leia e agatonu ; Talie e i ai se sakoga ki le tagata o le tokamalie.

Pesalemo 4:6

Ke kotou momoli ni sakilifisio o le faitotonu, Ti ke kotou fanaki ki le Eteleno.

Pesalemo 42:5

E kau manatui le temi leia na kau saele ai kae takatakai au e le kakai, Ti na kau taki ai latou ki le fale o le Atua, i loto malie o ni kalaga fakafiafia mo ni fakafetai A se kakai toka api i aso lalasi.

Pesalemo 44:3

Na ke kapu ki lou lima ni puleaga ke fakanofo latou, Na ke taai ni kakai ke fakamafolafola latou.

Pesalemo 89:15

Ko le faitotonu mo le maokioki ko le fakavae o lou ekeekeaga fakasau. E tutuu le agamalie mo le agatonu i ou mua.

Esaia 26:12

Eteleno, e ke soli kia matou le tokamalie ; Talie ko nea fuli ala e motou fai, Ko koe leia e fakasoko ia kia matou.

Esaia 26:3

Ki leia e tuu makeke i ana manatu loto E ke tuku maoki le tokamalie, io, le tokamalie, Talie e fanaki a ia kiate koe.

Esaia 57:19

E kau tuku loa le fakafetai ki ona laugutu. Tokamalie, tokamalie ki leia e mamao ti mo leia e feofi ! e pati le Eteleno. E kau fakamauli loa latou.

Mikea 5:5

E lotou fai loa ki alatou seleta lalatou nea kai ki le fenua o Asilia, Ti mo le fenua o Nimelote i loto o ona matapa. E saofaki loa e ia tatou i le tagata Asilia i ai, Mo ka au loa a ia ki lotatou fenua, Ti mo ka ulu loa a ia ki lotatou kele.

Luka 2:14

Kololia ki le Atua i potu taualuga, Ti tokamalie i le kele ki tagata ala e alofa a ia ki ai !

Soane 14:27

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Soane 20:21

Na toe pati loa Sesu kia latou : Ke nofo ia koutou le tokamalie ! Ofaipe loku kakau mai e le Tamana, ko au foki e kau kakau koutou.

Soane 20:26

Sili ni aso e valu, na toe fakatasi le kau tisipulo a Sesu i le fale, ti na nofo Tomasi mo latou. Na au loa Sesu, kae kua tapono a matapa, o tuu i loto malie o latou, o pati : Ke nofo ia koutou le tokamalie !

Gaoi 10:36

Na kakau e ia le folafola ki vosa o Iselaele, o fakasa kia latou le tokamalie ia Sesu-Kilisito, leia ko le Aliki o tagata fuli.

Gaoi 2:28

Kua ke fakasa kiate au a ala o le mauli ; Eke fakaapele loa au ki le fiafia i lou agai.

Loma 15:13

Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Loma 15:33

Ke nofo mo koutou fuli le Atua o le tokamalie ! Amene !

Loma 5:1

Koia i lotatou fakamatatonu i le tui, e tou maua ai le tokamalie mo le Atua i lotatou Aliki ko Sesu-Kilisito,

Efeso 6:23

Ke soli le tokamalie, mo le alofa, ti mo le tui ki fetaina e le Atua ko le Tamana ti mo le Aliki ko Sesu-Kilisito !

Filipe 4:7

ti ko le tokamalie o le Atua, leia e fakalaka ake i atamai fuli, e taupau ia loa okoutou loto mo akoutou manatu ia Sesu-Kilisito.

Lua tosi ki le kau Tesalonika 3:16

Ke alofa le Aliki o le tokamalie o soli totonu kia koutou le tokamalie i temi fuli, i nea fuli ! Ke nofo le Aliki mo koutou fuli !