Numelo 6:24 - Tosi Tapu

²⁴ Ke tapuaki le Eteleno kiate koe, ti ke taupau e ia a koe !

Numelo 6:24 ပူးပေါင်းရင်းမြစ်များ

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Lua tosi a Samuele 7:29

Koia ke ke alofa o tapuaki ki le fale o lau tagata fakasausau, o tupu ke tuu mau a ia i ou mua o lee gato ! Talie ko koe, ei Aliki Eteleno, kua ke masau, ti e tapuakina loa le fale o lau tagata fakasausau o lee gato, o tupu ko lau tapuaki.

Pesalemo 134:3

Ke tapuaki le Eteleno kiate koe mei Sione, A ia leia na fai ia le lagi mo le kele !

Pesalemo 17:8

Taupau au ofaipe le fa tiloga o le mata ; Puipui au, i le malu o ou kapakau,

Pesalemo 28:9

Fakamauli lou kakai ti tapuaki ki lou tofiga ! Liliu ko lolatou tagata tausi ovi mo lolatou fanakiaga o lee gato !

Pesalemo 91:11

Talie e fakatotonu loa e ia ki lana kau aselo Ke taupau ia a koe i ou ala fuli.

Esaia 27:3

Ko au le Eteleno, ko lona tagata taupau : E kau fakavai a ia i temi fuli ; Ti e kau leoleo a ia i le ao mo le pouli, Ke aua na maumaui a ia e se tasi.

Esaia 42:6

Ko au, le Eteleno, na kau kalagai a koe ki le fakamauli, Ti e kau too loa a koe i lou lima, E kau taupau loa a koe, ti e kau fakanofo loa a koe, Ke fakasoko ia laku sai mo le kakai, Ke liliu ko le malama o atu puleaga,

Taniela 9:17

Koia i le aso nei, ei lomatou Atua, ke ke fakalogo mai ki le kole mo tagi a lau tagata fakasausau, ti e tupu ko lou suafa, ke ke tio mo ke alofa ki lou sagatualio leia kua maumau !

Soane 17:11

E leaise koi kau nofo i le malama nei, kae e lotou nonofo i le malama nei, ti e kau natu kiate koe. Tamana maokioki, taupau latou i lou suafa leia na ke soli mai kiate au, o tupu ke lotou liliu ko se nea e tasi ofaipe taua.

Uluaki tosi ki le kau Kolinto 14:16

Talie kapau e ke fakafetai fai i le laumalie, pe feaki loa ke tali mai leia e fakalogo : Amene ! mo kapau e leaise iloa e ia le nea leia e ke fakasa ia ?

Efeso 6:24

Ke nofo le kalasia ia latou fuli ala e alofa ki lotatou Aliki ko Sesu-Kilisito i se alofa lee popo.

Filipe 4:23

Ko le kalasia o le Aliki ko Sesu-Kilisito ke nofo mo okoutou laumalie.

Filipe 4:7

ti ko le tokamalie o le Atua, leia e fakalaka ake i atamai fuli, e taupau ia loa okoutou loto mo akoutou manatu ia Sesu-Kilisito.

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Uluaki tosi a Petelo 1:5

kia koutou ala kua taupau i le makeke o le Atua ki le tui ki le fakamauli leia kua teuteu ke fakasa i temi fakamuli !

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,

Lute 2:4

Ti ko leinei, na au loa Poase mei Peteleemi, ti na pati loa a ia ki le kau gaoi : Ke nofo le Eteleno mo koutou ! Na lotou tali loa kiate ia : Ke tapuaki le Eteleno kiate koe !

Uluaki tosi a Samuele 2:9

E taupau loa e ia a lakaaga o ona alofaaga. Kae e tuku loa e ia le kau agaveli ki le fakapouli ; Talie e leaise malo loa le tagata ki le makeke.