Numelo 6:21 - Tosi Tapu

²¹ Ko lena le lao ki leia e fai ia le fakapapau o le nasilea ; ko lena lana moliga ki le Eteleno ki lona nasilea, o fakalogo ki lana maua. E fai loa e ia le nea leia kua fakatotonu ki le fakapapau leia na fai e ia, o mulimuli ki le lao o lona nasilea.

Numelo 6:21 ပူးပေါင်းရင်းမြစ်များ

Esetalasi 2:69

Na lotou soli loa ki le fale koloa o le fale tapu o mulimuli ki le nea leia na lotou mafai, ni fa piesi aulo e kau ono tupu tasi afe, mo ni kilo siliva e lua afe kau lelau lima, mo ni kofu e kau lelau ki le gaoi fakapelepitelo.

Numelo 5:29

Ko lena le lao ki le finenonofo, o uiga mo le fafine leia e mauli veli ti na kakaai ia lona avaga, o tupu ai lona kelekele,

Numelo 6:2

Masau ki fanau a Iselaele, ti ke pati loa kia latou : ka mavae loa se tagata pe ko se fafine talie na fai e ia le fakapapau o le nasilea, ke fakatapui a ia ki le Eteleno,

Numelo 6:20

E liliaki loa e le tagata faisakilifisio a nea ana ki le fetuu mo le fetuu i mua o le Eteleno : Ko se nea tapu a ia, leia e maua loa e le tagata faisakilifisio, mo le vakavakapu leia na liliaki ti mo le alaga muli leia na siki. Ti oki, e feala loa ke inu e le tagata nasilea se vino.

Numelo 6:22

Na masau loa le Eteleno kia Moisese, o pati :

Kalate 6:6

Ko leia e akonaki ki ai le folafola, ke soli e ia se vaega i ana nea fuli ki leia e akonaki.

Epelo 13:16

Aua na kotou galoi le fai nea alofa ti mo le kai solisoli, talie ko sakilifisio ana e fiafia ai le Atua.