Numelo 6:18 - Tosi Tapu

¹⁸ E tele loa e le tagata nasilea lona ulu i le uluaga o le falela tapu, ti e teki loa e ia ona fului ulu ki aluga o le afi leia e tutu ai le sakilifisio fakafetai.

Numelo 6:18 ပူးပေါင်းရင်းမြစ်များ

Numelo 6:17

Ti e momoli loa e ia le ovi tagata o le sakilifisio fakafetai ki le Eteleno, mo le kete keke sala fakatupu ; ti e momoli fakaoki loa e ia le moliga falina mo le lipasio.

Numelo 6:5

I le temi fuli o lona fakapapau nasilea, e leaise fakalaka loa le tele i lona ulu ; talie kua fakatapui a ia ki le Eteleno, e tuku loa e ia lona lau ulu mo lona kaukava ke sosomo faitalisa o kaku ki le oki o le temi o lona nasilea.

Numelo 6:9

Ti kapau e mate fakafokifa loa se tasi i ona tafa, ti kapau e kelekele loa i ai lona ulu leia kua fakatapui, e tele loa e ia lona ulu i le aso o lona fakamea, e tele loa e ia lona ulu i le fitu o aso.

Luka 17:10

Ko koutou foki, ka kua kotou fai loa a nea fuli ala na fakatotonu atu kia koutou, ti kotou pati : Ko ni tagata fakasausau lee aoga matou, kua motou fai le nea leia na tonu ke motou fai.

Gaoi 18:18

Na toe nofo loa Paulo i Kolinito o fualoa. Ti oki, na mavae loa a ia mei fetaina, o ano vaka ki Silia mo Pelesila mo Akilasi ; kae na tele mua lona ulu i Senikelea, talie na fai e ia se fakapapau.

Gaoi 21:23

Koia, fai le nea leia ka motou fakasa atu loa kiate koe. E nonofo ia matou ni tagata e toka fa ala kua fai ia se fakapapau ;

Gaoi 21:24

too latou mo koe, ti ke fakamea fakatasi mo latou, ti ke totogi a nea fuli, o tupu ke lotou tele olatou ulu. I le nea lena e iloa loa e le kakai katoa e leaise maoki se nea fua i nea ala kua lotou logo o uiga mo koe, kae ko koe foki, e ke fai le lao.

Gaoi 21:26

I leia ake a aso, na too loa e Paulo a tagata ana, ti na fakamea loa a ia, ti na ulu loa a ia ki le fale tapu i leia ake a aso, o fakasa le aso e katoa ai loa lolatou fakamea, ti mo le moliga kia latou taki toka tasi.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.