Numelo 5:21 - Tosi Tapu

²¹ ti e pati loa le tagata faisakilifisio ke fakapapau ki le malaia le fafine, ti e pati loa a ia ki le fafine : Ke tuku a koe e le Eteleno ki le malaia mo le takugai i loto malie o lou kakai, o fakamalo lou tega ti mo fakakita lou manava,

Numelo 5:21 ပူးပေါင်းရင်းမြစ်များ

Lua tosi o Koloniko 21:15

ti ko koe, e taai loa e ia a koe ki se masaki veli, ki se masaki manava, leia e asilisili loa i aso fuli o kaku ki le mapaa loa o ou tootooga ki tafa i le lasi o le mamae.

Neemia 10:29

na lotou fakatasi loa ki olatou fetaina ala na mauiga ake ia latou. Na lotou fakapapau loa ke saele i le lao a le Atua, leia na tuku mai e Moisese, le tagata fakasausau a le Atua, ke lotou tausi mo fai a folafola fuli a le Eteleno, lomatou Aliki, mo ana fakatotonu, mo ana lao.

Taagapati 10:7

Ko le fakamanatu o se tagata agatonu ko se tapuakina ; Kae e vilo le igoa o le kau agaveli o popo.

Esaia 65:15

E kotou tuku loa okoutou igoa ko se takuga malaia ki aku kau filifiliia ; E fakamamate loa koutou e le Aliki, le Eteleno, Kae soli loa e ia ki ana tagata fakasausau se igoa foou.

Selemia 29:22

E la liliu loa ko ni nea fakatakuga malaia i le kau popula o Suta ala i Papilone, o pati : Ke tautea a koe e le Eteleno ofaipe Setesiasi mo Akapo, ala na tutu mauli e le sau o Papilone !

Numelo 5:27

Ka oki loa le inu o le vai e le fafine, e soko loa le nea leinei : kapau na fakakelekele maoki le fafine, ti na kakaai e ia lona avaga, e ulu loa kiate ia le vai kona leia e tuku ia le malaia, o fakatupu le kona iate ia ; e kita loa lona manava, ti e malo loa lona tega, ti e liliu loa le fafine lena ko le nea fakatakuga malaia i lona kakai.

Mateo 26:74

Ti na kamata fai loa e Petelo ni lauveli, o fakapapau : E leaise kau iloa le tagata lena. I le temi fai lena na koukoua loa le moatoa.

Sosue 6:26

I le aso lena, na fai loa e Sosue le fakapapau leinei : Ke malaia i mua o le Eteleno le tagata leia e tuu loa ki aluga o toe fakatuu le kolo leinei ko Seliko. E kenu loa e ia ona fakavae o totogi ki lona vosa uluaki ; ti e tau loa e ia ona matapa o totogi ki lona vosa lua.

Uluaki tosi a Samuele 14:24

I le aso lena, na veli ai le gagae o tagata o Iselaele. Na fai loa e Saulo ki le kakai le fakapapau leinei : Malaia le tagata leia e kai ia loa se nea i mua o le afiafi, i mua o laku totogi ki oku fili ! Ti na leaise kai loa se tasi fua.