Numelo 5:18 - Tosi Tapu

¹⁸ E fakatuu loa e le tagata faisakilifisio le fafine i mua o le Eteleno ; e too loa e ia le kie pulou i le ulu o le fafine, ti e teki loa e ia ki lima o le fafine le moliga o le fakamanatu, le moliga o le finenonofo. E too loa e le tagata faisakilifisio i ona lima le vai kona leia e tuku ia le malaia.

Numelo 5:18 ပူးပေါင်းရင်းမြစ်များ

Taagapati 5:4

Kae i le fakaoki e kona a ia ofaipe le apesite, Ti e matakakai a ia ofaipe se seleta mata lua.

Ekelesiasi 7:26

Ti na kau maua foki e kona ake i le mate le fafine leia e tatau lona loto mo se masele ti mo se kupega, ti e tatau ona lima mo ni sai. Kae ko leia e malie ki mata o le Atua e sao loa mei le fafine lena, kae e piki ia loa le tagata agasala i lana masele.

Esaia 38:17

Ko leinei, kua liliu oku mamae totonu ko loku fakamauli ; Ti na ke fiafia i lau too loku laumalie mei le popoko o le maumau, Talie na ke tiaki ki ou muli aku agasala fuli.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Levitiko 13:45

E tui loa e le tagata lena kua masaki kilia ni kofu veveli, ti e tuku fakatekateka loa e ia lona fa ulu, ti e sai loa e ia se kie o uufi ai a lalo o ona mata ; ti e kalaga loa a ia : Kelekele ! Kelekele !

Numelo 5:15

e ave loa e le tagata lena lona avaga ki le tagata faisakilifisio mo se moliga ki lona avaga, ko ni kilo falina olese e tolu. E leaise liligi loa e ia se lolo ki aluga o le falina lena ti e leaise teki loa e ia se iseso ki aluga, talie ko se moliga a ia o tupu ko se masalosalo veli, ke fakasa ai se sala.

Numelo 5:17

E too loa e le tagata faisakilifisio se vai tapu i se ipu kele ; ti e too loa e ia se efu i le kele o le tapenakulo, o tuku ki le vai tapu.

Numelo 5:19

E pati loa le tagata faisakilifisio ki le fafine ke fakapapau, o pati : Kapau na leaise momoe loa se tagata kese mo koe, ti na leaise ke sese mei lou avaga, ti na leaise ke kakaai aia o ke fakakelekele a koe, e leaise fakamalaia loa a koe e le vai kona leinei.

Numelo 5:22

ti ke ulu ki ou tootooga le vai leinei e tuku ia loa kiate koe le malaia, o fakakita ia loa lou manava mo fakamalo ia loa lou tega ! Ti e pati loa le fafine : Amene ! Amene !

Uluaki tosi ki le kau Kolinto 11:15

kae ko se kololia ke lauulu le fafine, talie kua soli le lauulu kiate ia ofaipe se pulou ?

Uluaki tosi ki le kau Kolinto 11:6

Talie kapau e leaise pulou se fafine, ke koti foki lona lauulu. Kae, kapau e fakalumaluma ki se fafine ke koti lona lauulu pe tele lona ulu, ke pulou a ia.

Tetelonome 29:18

Ke aua na maua loa ia koutou se tagata pe ko se fafine, pe ko se famili pe ko se faasiga, leia e veli lona loto ke maliu i le aso nei mei le Eteleno, lotatou Atua, o ano o tausi ki atua o puleaga ana. Ke aua na maua loa ia koutou se aka leia e fakatupu ia se au kona mo se kava kona.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Uluaki tosi a Samuele 15:32

Ti na pati loa Samuele : Aumai kiate au Akake, sau o Amaleke. Ti na nake loa a ia o mata fakafiafia ake kiate ia, talie na pati a ia : Kua kau sao maoki loa i le mate.