Numelo 4:25 - Tosi Tapu

²⁵ E lotou amo loa a la puipui o le falela taputapu mo le falela tapu, ti mo le la kilii ovi tagata, ti mo le la kilii kakaututuu leia e teki loa i aluga, ti mo le lito leia e tau i le uluaga o le falela tapu ;

Numelo 4:25 ပူးပေါင်းရင်းမြစ်များ

Ekesote 26:1

E ke fai loa le tapenakulo ki ni tapi tetea makeke e kau agafulu, mo ni kie usi, mo ni kie kula fakapouli, ti mo ni kie kula malama ; e ke tui fakateuteu loa ki ai ni selupino.

Ekesote 26:14

E ke fai loa ki le falela se la fakapulou ki le kilii ovi tagata kua pena kula, ti mo se tasi a la fakapulou ki le kilii kakaututuu ke teki i aluga o leia a la.

Ekesote 40:19

Na folasi loa e ia le la ki le tapenakulo ; ti na folasi loa e ia le la ato i aluga, o mulimuli ki le nea leia na fakatotonu e le Eteleno kia Moisese.

Numelo 1:50

Tuku loa ki le kau Levi ke tokaga ki le falela tapu, mo ona nea gaoi fuli, ti mo nea fuli ala e tuku i ai. E lotou amo loa le falela, ti mo ona nea gaoi fuli, ti e lotou fai ia loa lona tausi, ti e lotou nofo loa i ona tafatafa.

Numelo 4:24

Ko leinei le gaoi o faasiga o Kelesoni, alatou gaoi mo alatou kavega :

Numelo 4:6

Ti e lotou teki loa i ona aluga le la kilii kakaututuu, ti e lotou folasi loa i aluga se kie usi katoa, ti e lotou fakapipiki loa a laakau amo o le aleka tapu.