Numelo 4:19 - Tosi Tapu

¹⁹ Kotou fai loa le nea leinei kia latou, o tupu ke lotou mauli ti ke aua na lotou mamate loa, mo ka lotou fakafeofi loa ki se nea tapu : e au loa Alone mo ona vosa o fakatuu le tagata taki toka tasi ki lana gaoi mo lana kavega.

Numelo 4:19 ပူးပေါင်းရင်းမြစ်များ

Lua tosi a Samuele 6:6

I le temi na lotou kaku ai loa ki le faisaga o Nakone, na falo loa e Usa lona lima ki le aleka o le Atua, o taofi a ia, talie kua fakamatule a ia e pipi.

Ekesote 19:21

Na pati loa le Eteleno kia Moisese : Ifo o toe fakamanatu ki le kakai e tapu mamafa le oso ke tio ki le Eteleno, talie na mate loa se toka api o latou.

Numelo 1:51

Ka ano loa le falela tapu, e vete loa a ia e le kau Levi ; ka fakatuu loa le falela tapu, e fakatuu loa a ia e le kau Levi ; ti ko le matapule leia e fakafeofi ake loa ki le falela tapu e tautea loa a ia ki le mate.

Numelo 18:3

E lotou fai loa le nea leia e ke fakatotonu loa kia latou ti mo le tausi o le falela tapu katoa ; kae e leaise lotou fakafeofi loa ki nea gaoi o le sagatualio, na kotou mamate loa, latou mo koutou.

Numelo 4:15

Ka oki loa le kofu e Alone mo ona vosa o nea tapu mo nea gaoi fuli o le falela tapu, e ano loa a vosa o Keati, i le kamata o le fanoga, o amo latou ; kae e leaise tonu ke lotou lave loa ki se nea tapu, talie e lotou mamate loa. Ko lena le gaoi o vosa o Keati i le falela tapu.

Numelo 4:18

Aua na ke tuku ke puli a famili o Keati i loto malie o le kau Levi.