Numelo 36:6 - Tosi Tapu

⁶ Ko leinei le nea leia e fakatotonu e le Eteleno ki taineliki o Selofati : Ke lotou avaga loa mo le tagata leia e lotou loto loa ki ai, kae kese fua ko se tagata a ia o se famili o le faasiga o lolatou tamana.

Numelo 36:6 ပူးပေါင်းရင်းမြစ်များ

Senesi 24:3

E kau loto ke ke fakapapau ki le Eteleno, ko le Atua o le lagi mo le Atua o le malama nei, ke aua na filifili loa ki loku vosa se fafine i taineliki o le kau Kanaane ala e kau nofo ai,

Uluaki tosi o Koloniko 23:22

Na mate loa Eleasale kae na leaise maua sona vosa ; kae na maua e ia ni taineliki ala na avaga loa mo vosa o Kise, ko olatou tuagaane mataitama.

Numelo 27:7

E tonu taineliki o Selofate. Ke ke soli loa kia latou se tofiga i loto malie o fetaina o lolatou tamana, talie ko latou ala e maua ia loa le tofiga o lolatou tamana.

Numelo 36:12

Na lotou avaga loa i loto o famili o vosa o Manase, vosa o Sosefo, ti na nofo loa lolatou tofiga i le faasiga o le famili o lolatou tamana.

Numelo 36:5

Na tuku loa e Moisese ki fanau a Iselaele a fakatotonu a le Eteleno. Na pati loa a ia : e tonu le faasiga o vosa o Sosefo.

Lua tosi ki le kau Kolinto 6:14

Aua na kotou kau fakatasi mo le kau lee agatonu i lalo o se laakau taki kese. Talie e fakatasi feaki le maokioki mo le agasala ? Pe fakatasi feaki le malama mo le fakapouli ?