Numelo 35:2 - Tosi Tapu

² Fakatotonu ki fanau a Iselaele ke lotou soli ki le kau Levi ni kolo i olatou tofiga, ke lotou nonofo ai. Ke lotou soli foki mo faisaga ala e tuu i tafatafa o kolo ana.

Numelo 35:2 ပူးပေါင်းရင်းမြစ်များ

Uluaki tosi o Koloniko 13:2

Ti na pati loa Tavite ki le fakatasiga katoa o Iselaele : Kapau e malie kia koutou, ti kapau e au le nea lena mei le Eteleno, lotatou Atua, ke tou kakau ni tagata avelogo ki otou fetaina i potu fuli, ala e toe i fenua fuli o Iselaele, ki le kau faisakilifisio mo le kau Levi, i kolo ala e tuu ai olatou nofoaga, o tupu ke lotou fakatasi mai kia tatou,

Lua tosi o Koloniko 11:14

Talie na tiaki loa e le kau Levi olatou kolo mo olatou kele kae lotou au loa ki Suta mo Selusalemi, talie na tapui kia latou e Selopoamo mo ona vosa le fai o lalatou gaoi fakapelepitelo.

Lua tosi o Koloniko 31:19

O uiga mo vosa o Alone, a tagata faisakilifisio, ala na nonofo i kolo vao, ti mo tafatafa o olotou kolo, na i ai i kolo taki tasi ni tagata na filifili i olatou igoa ke tufa ia ni vaega nea kai ki le kau tagata faisakilifisio fuli ti mo le kau Levi fuli na tosi.

Neemia 13:10

Na kau logo foki na leaise soli a vaega o le kau Levi, ti kua sosola le kau Levi mo le kau sua, ala na tokaga ki le tausi, ki lona fenua.

Esekiele 48:22

E tuuti lua loa e le kele o le kau Levi mo le kele o le kolo le kele o le tui, leia e tuu loa i loto o le vaega o Suta i le noleto, mo le kele o Pesamino i le saute.

Esekiele 48:8

I tafa o le vaega o Suta, i le potu esite o kaku ki le tai Metitelanea i le potu uesite, e kotou fua loa i ai se koga kele, leia e tatau loa lona loa mo le loa o vaega o faasiga, i le potu esite o kaku ki le tai Metitelanea i le potu uesite, ti ko lona laulasi ko kilometa e kau fitu tupu lima. I loto malie e fakatuu ai loa le fale tapu.

Numelo 35:1

Na masau loa le Eteleno kia Moisese, i le fenua o Moape, i tafa o le Solotane, i mua o Seliko, o pati :

Numelo 35:3

E lotou nofo loa i kolo ana, kae e lotou fagai loa alatou kau manu fuli i kele ala e tuu i tafatafa o kolo.

Tetelonome 18:6

Ka mavae loa le Levi i se kolo o Iselaele leia e nofo ai, ke ano, o mulimuli ki lona loto katoa, ki le ganea leia e filifili loa e le Eteleno,