Numelo 35:12 - Tosi Tapu

¹² E kotou fakaaoga loa a kolo ana ofaipe ni ulufaga ki le tagata totogi toto, o tupu ke aua na tamate le tagata tukipo kae e leikiaise fakamaaui a ia e le fono.

Numelo 35:12 ပူးပေါင်းရင်းမြစ်များ

Lua tosi a Samuele 14:7

Ti ko leinei, kua malaga mai le famili katoa ki lau fafine fakasausau, o pati : Tuku mai nei leia na tukipo ia lona taina ! E motou loto ke tamate a ia ke taui ai le mauli o lona taina leia na tamate e ia ; e motou loto ke maumaui foki mo lona sakoga ! E lotou tamate ai loa le ga malala leia koi kaka iate au, ti e leaise toe maua loa se sakoga o loku avaga i aluga o le kele.

Numelo 35:13

I kolo ala e kotou soli loa ki le kau Levi, e kotou filifili loa ni kolo ulufaga e ono.

Numelo 35:19

E tamate loa e le tagata totogi toto le tagata tukipo ; mo ka maua loa e ia a ia.

Tetelonome 19:4

E fakatuu le lao lena ki le tagata leia na fai ia se tukipo i se tutamaki kae na leaise nofo a ia mo sona vesia ki leia kua mate, o tupu ke feala ke sola a ia ki se kolo i kolo ana ti ke saofaki ai lona mauli.

Tetelonome 19:6

E leaise tonu loa ki le tagata totogi toto, i le lasi o lona ita, ke tuli e ia ti ke maua e ia le tagata tukipo o tamate, o tupu ko le loa o le ala. Talie e leaise tonu ke mate le tagata tukipo, talie na leaise nofo a ia i mua mo sona ita ki le tagata leia kua mate.

Sosue 20:2

Masau ki fanau a Iselaele, o pati kia latou : Kotou filifili loa kia koutou, o fai ki laku fakatotonu kia Moisese, ni kolo ulufaga,

Sosue 20:9

Ko na loa a kolo ala na filifili loa ki fanau a Iselaele mo matapule ala e nonofo mo latou, o tupu ke sola ki ai a tagata fuli ala na tukipooi ia se tasi tagata kae na leaise lotou loto ki ai, ti ke aua na mate a ia i le lima o le tagata totogi toto i mua o lona fakamaaui i le fono.