Numelo 34:2 - Tosi Tapu

² Tuku le fakatotonu leinei ki fanau a Iselaele, o ke pati loa kia latou : Ka kotou ulu loa ki le fenua o Kanaane : ko lena le fenua leia e kotou maua tofiga loa, le fenua o Kanaane, mo ona koiga.

Numelo 34:2 ပူးပေါင်းရင်းမြစ်များ

Senesi 10:19

Na natu loa a koiga o Kanaane i Sitone, i le fetuu o Kela, o kaku ki Kasa, ti na lotou soko atu loa i ai ki Sotoma mo Komola, ki Atema mo Sepoimi, o tau ki Lesa.

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Pesalemo 105:11

O pati : E kau soli atu loa kiate koe le fenua o Kanaane Ofaipe se tofiga leia kua tuku atu kia koutou.

Ekesote 23:31

E kau fakatuu loa ou koiga mei le tai Kula o kaku ki le tai o le kau Filisitini, mei le toafa o kaku ki le vaitafe ; talie e kau tuku loa ki ou lima a kakai o le fenua, ti e ke kapu loa latou i ou mua.

Selemia 3:19

Na kau pati : E kau loto ai ke kau fakasoko a koe ko le uluaki o aku fanau, Ti ke kau soli kiate koe se fenua malie, Le tofiga malie tukupau o atu puleaga. Na kau manatu : E ke pati mai loa kiate au : Loku tamana ! Ti e leaise ke toe tafoki loa iate au.

Esekiele 47:13

E folafola le Aliki, le Eteleno, o pati : Ko nei a koiga o le fenua leia e kotou vae loa ko le tofiga o faasiga e kau agafulu tupu lua o Iselaele. E maua loa e Sosefo ni vaega e lua.

Esekiele 47:14

E kotou vae fakatatau loa le fenua ia koutou ; talie na kau fakapapau o siki loku lima, ke kau soli le fenua leinei ki okoutou tamana. Koia e soli atu loa le fenua leinei kia koutou ko lokoutou tofiga.

Numelo 34:1

Na masau loa le Eteleno kia Moisese, o pati :

Gaoi 17:26

Ti na fakatupu e ia mei se tagata e tasi a puleaga fuli, ti na fakanofo e ia latou i le malama nei katoa, o fakatuutuu e ia kia latou a temi mo koiga o olatou fenua.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Efeso 1:14

leia ko se fakamaoki o lotatou tofiga, ki le aso leia e katoa ai loa le saofaki o latou ala na totogi e le Atua ma ana, ke fakavikiviki ki lona kololia.

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Sosue 11:23

Na too loa e Sosue le fenua katoa, o mulimuli ki nea fuli ala na fakasa e le Eteleno kia Moisese. Ti na tuku loa a ia e Sosue ki Iselaele ko lona tofiga, o vaevae i faasiga o Iselaele. Ti na malolo loa le fenua i le tau.

Sosue 13:1

Kua matua loa Sosue ti kua lasi ai ona fetuu. Ti na pati loa le Eteleno kiate ia : Kua ke matua ai ti kua lasi ai ou fetuu, ti e lasi ai le fenua leia koi toe ke ke taui.

Sosue 21:43

Na soli loa e le Eteleno ki Iselaele le fenua katoa leia na fakapapau e ia ke soli ki olatou tamana ; na lotou too loa a ia ti na lotou nonofo loa i ai.