Numelo 33:52 - Tosi Tapu

⁵² Ke kotou kapu loa i okoutou mua a kakai fuli o le fenua, ke kotou maumaui loa a fakatata fatu fuli mo fakatata ukamea fuli o olatou atua, ti ke kotou maumaui loa olatou ganea tapu fuli.

Numelo 33:52 ပူးပေါင်းရင်းမြစ်များ

Uluaki tosi o Sau 11:7

Koia na fakatuu loa e Salomone i le mauga leia e agaaga ki Selusalemi se potu taualuga kia Kemosi, le nea fakalialia o le kau Moape, ti mo Moloke, le nea fakalialia o vosa o Amone.

Ekesote 23:24

Aua na ke punou loa i mua o olatou atua, ti aua na ke tausi loa kia latou ; aua na ke fakatatau loa a aga o kakai ana, kae e ke maumaui loa latou ti e ke fatifatii loa olatou fakatata.

Levitiko 26:1

Aua na kotou fai loa ni taulaatua loi, aua na kotou fakatuu loa kia koutou ni fakatata togi, ti aua na kotou fakatuu loa i lokoutou fenua se fakatata fatu, ke kotou punou loa i ona mua ; talie ko au ko le Eteleno, ko lokoutou Atua.

Tetelonome 31:5

E tuku loa latou e le Eteleno kiate koe, ti e kotou fai loa kia latou o mulimuli ki fakatotonu ala na kau tuku atu kia koutou.

Tetelonome 33:29

Manuia a koe, Iselaele ! Ko ai e tatau mo koe ? Ko se kakai na saofaki e le Eteleno, Leia ko le paletau e puipui ia a koe, Ti ko le seleta o lou kololia ? E leaise tuu loa ou fili i ou mua, Ti e ke takafi loa ki lou vae olatou ganea taualuga.

Sosue 11:15

Na fai loa e Sosue a fakatotonu a le Eteleno ki lona tagata fakasausau ko Moisese, ti na toe tuku loa e Moisese kia Sosue ; na leaise tiaki noa loa e ia se nea fua e tasi i nea fuli ala na fakatotonu e le Eteleno kia Moisese.

Sosue 23:7

Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.

Sosue 9:7

Kae na tali loa a tagata o Iselaele ki le kau Evi : E lagi kotou nonofo loa i loto malie o matou, ti e feaki loa ke motou fai se sai mo koutou ?

Tuifakamaau 2:2

ti ko koutou, ke aua na kotou fai loa se sai mo le kakai o le fenua leinei, kae ke kotou maumaui loa olatou aletale. Kae na leaise kotou fakalogo ki loku leo. Kolea na kotou fai ai le nea lena ?