Numelo 33:4 - Tosi Tapu

⁴ Kae na tanu loa e le kau Esipito i le aso lena latou ala na tautea e le Eteleno ia latou, a uluaki fuli ; na fai foki e le Eteleno ni fakamaau ki atua o Esipito.

Numelo 33:4 ပူးပေါင်းရင်းမြစ်များ

Pesalemo 105:36

Na taai loa e ia a uluaki tupu fuli i lolatou fenua, A uluaki fua fuli o lolatou makeke.

Ekesote 12:12

I le po lena, e kau fakalaka loa i le fenua o Esipito, ti e kau tamate loa a fanau uluaki fuli o le fenua o Esipito, mei le tagata o kaku ki le manu, ti e kau fakasoko loa aku tautea ki atua fuli o Esipito. Ko au ko le Eteleno.

Ekesote 18:11

I le aso nei kua kau iloa e lasi ake le Eteleno i atua fuli ; talie kua toe vilo le agaveli a le kau Esipito kia latou.

Esaia 19:1

Folafola ki Esipito. Ko leinei, kua eke le Eteleno i se ao gasolo, o au ki Esipito ; Ti kua lulu a taulaatua o Esipito i ona mua, Ti kua gaegae le loto o le kau Esipito.

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Numelo 3:13

Talie i le aso leia na kau tamate ai a uluaki o le kau Esipito, na kau fakatapui kiate au a vosa uluaki fuli o fanau a Iselaele mo uluaki fuli o alatou kau manu : a aku loa latou, ko au ko le Eteleno.