Numelo 32:33 - Tosi Tapu

³³ Na soli loa e Moisese ki vosa o Kate, mo vosa o Lupeni, mo le vaelua o le faasiga o Manase, vosa o Sosefo, le fenua o Sioni, sau o le kau Amole, mo le fenua o Oki, sau o Pasani, mo kolo mo kele i tafatafa o kolo.

Numelo 32:33 ပူးပေါင်းရင်းမြစ်များ

Uluaki tosi o Koloniko 12:31

I le vaelua o le faasiga o Manase, ko le tino agafulu tupu valu afe, ala na filifili ke ano o fakanofo ke sau Tavite.

Uluaki tosi o Koloniko 26:32

Na maua e fetaina o Selisa, kau tagata toa, ni pule famili e tino afe lua mo tino lelau e fitu. Na fakanofo latou e le sau ko Tavite ke pule ki le faasiga o Lupeni, mo Kate, ti mo le vaelua o le faasiga o Manase, o uiga mo nea fuli ki le Atua ti mo nea fuli ki le sau.

Uluaki tosi o Koloniko 5:18

Ko vosa o Lupeni, mo vosa o Kate mo le vaelua o le faasiga o Manase, ko ni kau tagata toa, ala na too ia le paletau mo le seleta, ala na fai fana ti na poto i le tau, ko lolatou api ko tagata tau e tino fa tupu fa afe mo tino lelau e fitu mo le tino ono.

Numelo 32:1

Na maua e vosa o Lupeni mo vosa o Kate se kau manu lasi ai, ti na lotou tio loa ko le fenua o Saesele mo le fenua o Kalaate ko ni fenua malilie ki le fagai manu.

Numelo 32:32

E motou too loa amatou masafu ti e motou fakalaka loa i mua o le Eteleno, o ano ki le fenua o Kanaane. Kae ke motou maua lomatou tofiga i le fetuu leinei o le Solotane.

Numelo 34:14

Talie ko le faasiga o Lupeni, mo le faasiga o Kate, mo le vaelua o le faasiga o Manase, kua oki olatou vaega i le soli kia latou.

Numelo 34:15

E tuu le vaega o faasiga ana e lua mo le vaelua i mua o Seliko, i le kauvai esite o le Solotane.

Tetelonome 29:8

Na tou too loa lolatou fenua ti na tou tuku loa a ia ki le kau Lupeni, mo le kau Kate, mo le vaelua o le kau Manase.

Sosue 12:1

Ko nei a sau ala na tamate e fanau a Iselaele, ti na lotou too loa olatou fenua i le fetuu esite o le Solotane, mei le liua o le Alenone o kaku ki le mauga o le Elemoni, ti mo le toafa katoa i le esite.

Sosue 12:6

Na tamate loa e Moisese mo fanau a Iselaele a sau ana e lua ; ti na soli loa e Moisese, tagata fakasausau a le Eteleno, ola fenua ki faasiga o Lupeni, mo Kate, ti mo le vaelua o le faasiga o Manase.

Sosue 14:3

Talie kua soli e Moisese ni tofiga ki faasiga e lua ti mo le vaelua i le fetuu esite o le Solotane ; kae na leaise soli loa e ia se tofiga ki fanau o Levi.

Sosue 22:4

I le aso nei kua soli ai e le Eteleno, lokoutou Atua, le malolo ki okoutou fetaina, o fai ki le nea leia na pati a ia kia latou, kotou toe liliu la o ano ki okoutou falela, i le fenua leia kua kotou maua, leia na soli atu kia koutou e Moisese, tagata fakasausau a le Eteleno i le fetuu esite o le Solotane.

Sosue 22:7

Na soli e Moisese ki se tasi vaelua o le faasiga o Manase se tofiga i Pasani, i le fetuu esite o le Solotane, ti na soli loa e Sosue ki leia ake vaelua se tofiga i le fetuu uesite o le Solotane, i tafa o ona fetaina. I le temi leia na kakau ai loa latou e Sosue ke toe liliu ki olatou falela, na tapuaki loa a ia kia latou,

Uluaki tosi a Samuele 13:7

Na i ai foki ni kau Epeleo na fakalaka loa i le Solotane, o ano ki le fenua o Kate mo Kalaate. Na koi nofo Saulo i Kilikale, ti na lulu i le i le kakai katoa leia na nofo mo ia.