Numelo 32:22 - Tosi Tapu

²² ti kapau e kotou toe liliu loa i le oki o le fakalogo o le fenua lena ki le Eteleno, e kotou lauatea loa i mua o le Eteleno mo Iselaele, ti e liliu loa le fenua leinei ko lokoutou tofiga i mua o le Eteleno.

Numelo 32:22 ပူးပေါင်းရင်းမြစ်များ

Lua tosi a Samuele 3:28

Na logo loa Tavite ki le nea lena, ti na pati loa a ia : E kau mea malie mo loku puleaga i mua o le Eteleno, o lee gato, mei le toto o Apenele, vosa o Nele.

Pesalemo 78:55

Na kapu loa e ia i olatou mua a atu puleaga, Kae na vaevae loa e ia kia latou le fenua ke lotou maua, Ti na fakanofo loa e ia a faasiga o Iselaele i olatou nofoaga.

Levitiko 14:34

Ka kotou ulu loa ki le fenua o Kanaane, leia e kau soli loa kia koutou ke kotou maua, kapau e kau fakaea loa se sekaseka i se fale o lokoutou fenua foou,

Numelo 32:21

kapau e fakalaka loa i le Solotane i mua o le Eteleno latou fuli ala o koutou e too ia loa alatou masafu, o kaku ki le oki o lana kapu ona fili i ona mua,

Tetelonome 3:20

o kaku ki le tuku loa e le Eteleno o le malolo ki okoutou fetaina ofaipe koutou, ti ke lotou maua foki le fenua leia e soli loa kia latou e le Eteleno, lokoutou Atua, i le fetuu uesite o le Solotane. I le aso lena e feala loa ke kotou toe liliu ki okoutou tofiga i le fenua leia kua kau soli atu kia koutou.

Sosue 1:15

o kaku ki le temi e tuku ai loa e le Eteleno le malolo ki okoutou fetaina ofaipe koutou, ti ke lotou maua foki le fenua leia e soli loa kia latou e le Eteleno, lokoutou Atua. Kao oki loa a ia, ti o kotou liliu mai loa o nofo i le fenua leia na tuku atu kia koutou e Moisese, tagata fakasausau a le Eteleno, i le fetuu leinei o le Solotane, i le sopoaga o le laa.

Sosue 10:30

Na toe tuku loa e le Eteleno a Lipina mo lona sau ki lima o fanau a Iselaele. Ti na lotou taai a ia ki le mata o le seleta ti mo le kakai fuli na nofo i ai. Na leaise lotou tuku ke sao se fa toka tasi, ti na lotou fai loa ki lona sau le nea leia na lotou fai ki le sau o Seliko.

Sosue 10:42

Na malo loa Sosue i sau fuli ana, ti na too loa e ia olatou fenua i le tau e tasi, talie na tau le Eteleno, le Atua o Iselaele, o tupu ko Iselaele.

Sosue 11:23

Na too loa e Sosue le fenua katoa, o mulimuli ki nea fuli ala na fakasa e le Eteleno kia Moisese. Ti na tuku loa a ia e Sosue ki Iselaele ko lona tofiga, o vaevae i faasiga o Iselaele. Ti na malolo loa le fenua i le tau.

Sosue 13:8

Na maua e le faasiga o Lupeni, mo Kate, mo le tasi vaelua o le faasiga o Manase olatou tofiga i le fetuu esite o le Solotane, leia na soli kia latou e Moisese, tagata fakasausau a le Eteleno :

Sosue 18:1

Na fakatasi loa le kakai katoa o fanau a Iselaele i Silo. Na lotou fakatuu loa i ai le falela tapu. Na fakalogo le fenua katoa kia latou.

Sosue 2:19

Kapau e mavae kese loa se tasi mei lou fale, ti e pule loa a ia toka tasi ki lona mate ti e ma mea loa i le nea lena. Kae kapau e fafa loa ki se tasi leia e nofo mo koe i lou loto fale, ti e vilo loa lona toto ki oma ulu.

Sosue 22:4

I le aso nei kua soli ai e le Eteleno, lokoutou Atua, le malolo ki okoutou fetaina, o fai ki le nea leia na pati a ia kia latou, kotou toe liliu la o ano ki okoutou falela, i le fenua leia kua kotou maua, leia na soli atu kia koutou e Moisese, tagata fakasausau a le Eteleno i le fetuu esite o le Solotane.

Sosue 22:9

Na toe liliu loa a vosa o Lupeni, mo Kate, mo le vaelua o Manase, ki olatou falela. Na lotou poloaki loa mo la ake fanau a Iselaele i Silo, i le fenua o Kanaane. Ti na lotou ano loa ki le fenua o Kalaate, fenua leia na soli kia latou, o mulimuli ki le fakatotonu a le Eteleno leia na tuku e Moisese.