Numelo 31:30 - Tosi Tapu

³⁰ I le vaega leia e soli ki fanau a Iselaele, e ke taofi loa se toka tasi i ni tino lelau e lima, mo se manu e tasi i ni manu e kau lelau lima, tatau i pipi, mo asino, mo ovi, mo koti. Ti ke tuku loa le vaega lena ki le kau Levi, ala e tokaga ki le falela tapu o le Eteleno.

Numelo 31:30 ပူးပေါင်းရင်းမြစ်များ

Uluaki tosi o Koloniko 23:32

Na lotou tokaga ki le falela tapu, mo le sagatualio, kae na tokaga olatou fetaina, vosa o Alone, ki le tausi o le fale o le Eteleno.

Numelo 1:53

Kae e nofo loa le kau Levi o takatakai le falela tapu, o tupu ke aua na malaga loa loku sausau ki fanau a Iselaele. E tausi loa e le kau Levi le falela tapu.

Numelo 3:25

Na tokaga loa le kau Kelesoni ki koga anei o le falela tapu : ki le falela taputapu mo le falela tapu, mo le la fakamalumalu o le falela tapu i tafa, mo le lito tapono o le uluaga ulu o le falela tapu,

Numelo 3:31

Na tokaga loa le kau Keati ki le aleka tapu, mo le laupapa tapu, mo le tuuaga malaga, mo aletale, mo nea gaoi o le sagatualio, ti mo le lito tapono o le potu taputapu. Na lotou tokaga loa ki le tausi o nea fuli ana.

Numelo 31:28

I le vaega o latou ala na kau i le tau, e ke too loa se vaega, leia ko se tukusau ki le Eteleno : e too loa se toka tasi i ni tino lelau e lima, mo se manu e tasi i ni manu e kau lelau lima, tatau i pipi, mo asino, mo ovi, mo koti.

Numelo 31:29

E ke tuku loa ki le tagata faisakilifisio ko Eleasale le tukusau lena kua soli ki le Eteleno.

Numelo 31:31

Na fai loa e Moisese mo Eleasale le fakatotonu lena na tuku e le Eteleno kia Moisese.

Numelo 8:26

E tokoi loa a ia ki ona fetaina i le falela tapu, o taupau a nea ala kua tuku ke lotou tokaga ki ai ; kae e leaise toe fai loa e ia se tausi. E ke fai fenaaki loa ki le kau Levi o uiga mo alatou gaoi.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Uluaki tosi ki le kau Kolinto 4:2

Ti ko le nea foki leia e kole ki ni tagata tausi koloa, ke lotou tasi agatonu i lana gaoi.

Kolose 4:17

Ti kotou pati kia Alikipe : tokaga ki le gaoi leia kua ke tali mei le Aliki, o tupu ke ke fai fakamalotoloto a ia.

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Sosue 9:27

kae na tuku loa e Sosue kia latou, talu mei le aso lena, ke lotou tuuti ia le fafie mo asu ia le vai ki le fakatasiga mo le aletale o le Eteleno, i le ganea leia e filifili loa e le Eteleno. Na lotou fai loa le nea lena o kaku mai ki le aso nei.