Numelo 31:28 - Tosi Tapu

²⁸ I le vaega o latou ala na kau i le tau, e ke too loa se vaega, leia ko se tukusau ki le Eteleno : e too loa se toka tasi i ni tino lelau e lima, mo se manu e tasi i ni manu e kau lelau lima, tatau i pipi, mo asino, mo ovi, mo koti.

Numelo 31:28 ပူးပေါင်းရင်းမြစ်များ

Senesi 14:20

Ke tapusa le Atua Taualuga, leia kua tuku ia ou fili ki ou lima ! Ti na soli loa e Apalamo kiate ia le vaega kau agafulu o nea fuli.

Uluaki tosi o Koloniko 18:11

Na momoli loa e le sau ko Tavite a nea fuli ana ki le Eteleno, o fakatasi mo le paaga ti mo le aulo leia na too e ia mei puleaga fuli, mei Etome, mo Moape, mo vosa o Amone, mo le kau Filisitini, ti mo le kau Amaleke.

Lua tosi o Koloniko 15:11

I le aso lena na lotou momoli loa ki le Eteleno ni pipi e kau lelau fitu mo ni ovi e fitu afe.

Esaia 18:7

I le temi lena, e aumai loa ni moliga ki le Eteleno o kau tau, E le kakai makeke mo tagata lalasi, E le kakai fakaii talu mei lona tupu, E le puleaga makeke leia na takatakafi ia a nea fuli, E le fenua leia e tafe ai a vaitafe. E aumai loa latou ki le ganea leia e agai ai le suafa o le Eteleno o kau tau, Ki le mauga o Sione.

Esaia 23:18

Kae e fakatapu loa ona koloa mo lona totogi kelekele ki le Eteleno. E leaise toe tanaki loa latou, pe taupau loa latou ke tologa, Talie e fakaaoga loa lona totogi kia latou ala e nonofo i mua o le Eteleno Ke totogi ai ni nea kai malilie ti mo ni kofu fulumalilie.

Esaia 60:9

Talie amanaki malie a atu motu kiate au, Ti e muamua a vaka faikoloa o Talesisi, O aumai mei mamao au fanau, Mo alatou paaga ti mo alatou aulo, O tupu ko le suafa o le Eteleno, lou Atua, O tupu ko le Sagato o Iselaele, leia e fakakololia ia a koe.

Numelo 18:21

E kau soli ki vosa o Levi ofaipe se tofiga a vaega kau agafulu fuli i Iselaele, ki le tausi leia e lotou fai, le tausi o le falela tapu.

Numelo 18:26

E ke masau loa ki le kau Levi, ti ke pati loa kia latou : Ka kotou tali loa mei fanau a Iselaele le vaega kau agafulu leia e kau soli kia koutou meia latou ofaipe sokoutou tofiga, e too loa i ai se moliga ki le Eteleno, ko se vaega kau agafulu o le vaega kau agafulu ;

Numelo 31:29

E ke tuku loa ki le tagata faisakilifisio ko Eleasale le tukusau lena kua soli ki le Eteleno.

Numelo 31:30

I le vaega leia e soli ki fanau a Iselaele, e ke taofi loa se toka tasi i ni tino lelau e lima, mo se manu e tasi i ni manu e kau lelau lima, tatau i pipi, mo asino, mo ovi, mo koti. Ti ke tuku loa le vaega lena ki le kau Levi, ala e tokaga ki le falela tapu o le Eteleno.

Numelo 31:47

I le vaega lena na tuku ki fanau a Iselaele, na too loa e Moisese se tukusau ko se toka tasi i tino lelau e lima, mo se manu e tasi i manu e kau lelau e lima. Ti na soli loa e ia le vaega lena ki le kau Levi, ala na tokaga ki le falela tapu o le Eteleno, o mulimuli ki le fakatotonu leia na tuku e le Eteleno kiate ia.

Mateo 22:21

Ti na lotou tali loa kiate ia : O Sesale. Ti na pati loa Sesu kia latou : Kotou tuku kia Sesale le nea a Sesale, ti e ki le Atua le nea a le Atua.

Sosue 6:19

Ke fakatapui loa le paaga katoa, mo le aulo katoa, mo nea fuli e fau ki le kapa mo le ukamea ki le Eteleno, ti e tuku loa a nea ana ki le koloa o le Eteleno.

Sosue 6:24

Na lotou tutu loa le kolo mo nea fuli na maua i ai, kae na lotou tuku loa le siliva, mo le aulo, ti mo nea fuli na fau ki le kapa mo le ukamea ki le koloa o le fale o le Eteleno.

Sosue 9:27

kae na tuku loa e Sosue kia latou, talu mei le aso lena, ke lotou tuuti ia le fafie mo asu ia le vai ki le fakatasiga mo le aletale o le Eteleno, i le ganea leia e filifili loa e le Eteleno. Na lotou fai loa le nea lena o kaku mai ki le aso nei.