Numelo 31:23 - Tosi Tapu

²³ a nea fuli ala e feala ke tali ia le afi, e tonu ke fakalaka i le afi ke mea. Kae tonu loa ke fakamea e le vai fakamea a nea fuli ala e leaise feala ke fakalaka i le afi ; e kotou fakalaka loa latou i le vai.

Numelo 31:23 ပူးပေါင်းရင်းမြစ်များ

Ekesote 19:10

Ti na pati loa le Eteleno kia Moisese : Toe liliu ki le kakai, ti ke pati kia latou ke lotou fakamea i le aso nei mo apogipogi, ti ke lotou fakamea olatou teu.

Ekesote 19:14

Na ifo loa Moisese mei le mauga ki le kakai. Na fakamaokioki loa e ia le kakai, ti na lotou fakamea loa olatou kofu.

Esaia 43:2

Kapau e ke ano i atu vai, e kau nofo loa mo koe ; Ti kapau e ke ano i ni vaitafe lalasi, e leaise ke ogo loa ; Kapau e ke saele i le afi, e leaise ke vela loa, Ti e leaise tutu loa a koe e le ula.

Levitiko 11:32

Ko nea fuli ala e vilo loa ki ai se manu mate, ofaipe se ipu laakau, pe se kofu, pe se kilii manu, pe se kete, pe se kulo, e kelekele loa a ia o kaku ki le afiafi, ti o toe mea loa a ia.

Levitiko 15:17

Ko kofu fuli, mo kie kafu fuli, mo kili fuli ala e lave ki ai le sua vai fakatagata, e tonu ke fakamea loa ki se vai, ti e kelekele loa a ia o kaku ki le afiafi.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Numelo 19:17

E tonu ke too loa ki leia e kelekele, se mugalafu o le vikitima fakamalie leia na tutu, ti e liligi loa ki ai se vai mauli ki se ipu.

Numelo 19:9

E tanaki loa e se tagata mea le mugalafu o le pipi fafine, ti e ave loa e ia a ia ki se ganea mea i fafo o le nofolaga ; e taupau loa a ia ki le fakatasi o fanau a Iselaele, ke fai ai le vai o le fakamea. Ko se vai a ia o le fakamalie.

Numelo 31:22

Ko le aulo, mo le paaga, mo le kapa, mo le ukamea, mo le tini, mo le pulu,

Numelo 31:24

E kotou fakamea loa okoutou kofu i le fitu o aso, ti e kotou mea loa ; ti e feala loa ke kotou ulu ki le nofolaga.

Numelo 8:7

Ko leinei le nea leia ke ke fai loa ke fakamea ai latou. E ke fai loa kia latou se afusi ki le vai o le fakamea ; e lotou tele loa a fulu i olatou kuaga katoa ti e lotou fo loa olatou kofu, ti e lotou mea loa.

Mateo 3:11

Ko au, e kau papitema koutou ki le vai o uiga mo le fakasemala, kae ko ia loa leia e olo mai kiate au e makeke ake iate au, ti e leaise kau gali ke kapa ki ona taka. Ko ia leia e papitema ia loa koutou ki le Laumalie Maokioki ti mo le afi.

Uluaki tosi ki le kau Kolinto 3:13

Talie e fakasa loa a ia i le aso, talie e fakasa loa a ia e le afi ; ti e asiasii loa e le afi le anoaga o le gaoi a le tagata taki toka tasi.

Efeso 5:26

o tupu ke fakatapui a ia, mo fakamea a ia, ti mo fufulu a ia ki le vai o le folafola,

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Uluaki tosi a Petelo 3:21

Ko le vai lena ko le fakatata o le papitema, leia e leaise ko le fakamea o kelekele o le tino, kae ko le fakapapau a se atamai mea ki le Atua, leia foki e saofaki ia koutou i le temi nei ki le toe tuuake o Sesu-Kilisito ;

Uluaki tosi a Petelo 4:12

Ei oku alofaaga, aua na kotou punamauli i le gutuumu kaka o le asiasii leia e kotou lolotoga ai, o sakinake kua soko kia koutou se nea foou.

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.