Numelo 31:2 - Tosi Tapu

² Tau ki le kau Matiane o tupu ko fanau a Iselaele ; ti oki, ti ke mate loa.

Numelo 31:2 ပူးပေါင်းရင်းမြစ်များ

Senesi 15:15

Ko koe, e ke ano loa i le tokamalie ki ou tamana, ti e tanu loa a koe i le oki o se temi matua malie.

Senesi 25:17

Ti ko nei a fetuu o le mauli o Isemaele : ko fetuu e kau lelau kau tolu. Na tuku loa e ia lona laumalie ti mate loa a ia, ti na fakatasi loa a ia mo lona kakai.

Senesi 25:8

Na tuku loa e Apalaamo lona laumalie, ti na mate loa a ia i le oki o se temi matua manuia, na lasi ai ona fetuu, ti na tapuakina ona aso. Ti na fakatasi loa a ia ki lona kakai.

Ekesote 2:16

Na maua e le tagata faisakilifisio o Matiane ni taineliki e toka fitu. Na lotou au loa o asu vai, ti na lotou fakaapele loa a fakainuaga o manu ke fakainu ai a kau manu o lolatou tamana.

Esaia 1:24

Koia ko leinei le nea e fakasa e le Aliki, le Eteleno o kau tau, Le Makeke o Iselaele : Io, e kau liufaki loa le veli kia latou ala na agatuu kiate au, Ti e kau totogi loa ki oku fili.

Naume 1:2

Ko le Eteleno ko se Atua finenonofo, E totogi e ia ; e apele a ia i le itaita ; E totogi e le Eteleno kia latou ala e agatuu kiate ia, E taofi e ia lona ita ki ona fili.

Numelo 20:24

Ka mate loa Alone. Talie e leaise ulu loa a ia ki le fenua leia e kau soli ki fanau a Iselaele, o tupu na leaise kolua fakalogo ki laku fakatotonu, i le vai o Melipa.

Numelo 20:26

Ti ke tatala loa a kofu taputapu o Alone, o ke fakakofu loa ki ai Eleasale, lona vosa. Ko lena loa le ganea leia e fakatasii ai loa Alone ki lona kakai, ti e mate loa a ia.

Numelo 25:1

Na nofo loa Iselaele i Sitime ; ti na kamata fai feauaki loa le kakai ki taineliki o Moape.

Numelo 25:6

Ti ko leinei, na au se tagata Iselaele, o aumai ki ona fetaina se fafine Matiane i mata o Moisese mo mata o le fakatasi katoa o fanau a Iselaele, ala na fetagisi i le uluaga o le falela tapu.

Numelo 27:13

E ke tio loa ki ai, kae ko koe foki, e tanaki loa a koe ki lou kakai, ofaipe lou taina ko Alone ;

Numelo 31:1

Na masau loa le Eteleno kia Moisese, o pati :

Numelo 31:3

Na masau loa Moisese ki le kakai, o pati : Ke too e ni tagata o koutou alatou masafu ti ke lotou ano o tau ki le kau Matiane, o fai kia latou le totogi leia na fakatotonu e le Eteleno kia latou.

Luka 21:22

Talie ko aso loa ana ko ni aso o le tautea, o tupu ke fakasoko a nea fuli ala na tosi.

Gaoi 13:36

Kae ko Tavite, i le oki o lana fai i lona tautupu le finegalo o le Atua, na mate loa a ia ti kua tanu a ia mo ona tamana, ti kua pala lona tino.

Loma 12:19

Aua na kotou taui koutou totonu, alofaaga, kae kotou tuku le ita ke fai, talie e tuu i le Tosi : E pati le Aliki : a aku le lagavaka, a aku le totogi,

Loma 13:4

Ko le pule ko le tagata fakasausau a ia a le Atua o uiga mo lou malie. Kae kapau e ke fai le veli, ke ke i ; talie e leaise too noa e ia le seleta : ko ia ko le tagata fakasausau a le Atua, ke fai ia le lagavaka ti mo tautea ia leia e fai ia le veli.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Tetelonome 4:22

E kau mate loa i le fenua leinei, e leaise kau fakalaka loa i le Solotane. Kae ko koutou, e kotou fakalaka loa, ti e kotou maua loa le fenua malie lena.

Uluaki tosi ki le kau Tesalonika 4:6

ke aua na fakatotolo e se tasi le avaga o lona taina, talie e tautea e le Aliki a tagata fenaaki, ofaipe lamatou fakasa fakatomua mo fakamaoki a ia kia koutou.

Epelo 10:30

Talie e tou iloa leia kua pati : A aku le lagavaka, a aku le totogi ! ti na toe pati : E fakamaaui loa e le Aliki lona kakai

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.

Apokalipisi 6:10

Ti na lotou kalaga leo lasi loa, o pati : E kaku loa kiafea, Pule maokioki mo maoki, lau talitali ke fakamaaui mo totogi lomatou toto ki le kakai o le malama nei ?

Tuifakamaau 16:24

I le temi leia na tio ai loa le kakai kia Samisoni, na lotou sua fakavikiviki loa ki lolatou atua, o pati : Kua tuku e lotatou atua ki otatou lima lotatou fili ko Samisoni, le malaiaaga o lotatou puleaga, leia na tamate ia lotatou kakai.

Tuifakamaau 2:10

Ti na mamate fuli loa le tautupu katoa lena, ti na nake loa i ona muli se tasi ake tautupu leia na leaise iloa ia le Eteleno mo gaoiaga lalasi ala na fai e le Eteleno ki Iselaele.