Numelo 31:10 - Tosi Tapu

¹⁰ Na lotou tutu loa a kolo fuli ala na lotou nofo ai, mo ganea fuli ala na fakatuu ai olatou falela.

Numelo 31:10 ပူးပေါင်းရင်းမြစ်များ

Senesi 25:16

Ko vosa ana e kau agafulu tupu lua o Isemaele ; ko olatou igoa ana o mulimuli ki olatou kolo mo kele ala na lotou nofo ai. Na lotou liliu loa ko pule o lolatou kakai.

Uluaki tosi o Sau 9:16

Na au loa a Falaone, sau o Esipito, ti na too loa e ia Kesele, o tutu a ia ki le afi, kae na tamate loa e ia le kau Kanaane leia na nonofo i le kolo. Ti na soli loa e ia le kolo lena ki lona taine i lona avaga mo Salomone.

Esaia 1:7

Kua maumaui lokoutou fenua, Kua tutu okoutou kolo e le afi, Ko ni kakai kese ala kua kai ia a koloa o lokoutou fenua i okoutou mata, E lotou kaia a ia mo maumaui, ofaipe ni kau kaikivao.

Numelo 31:11

Na lotou toe liliu loa mo le kakai, mo kau manu, mo koloa fuli ala na lotou maua i le tau.

Numelo 31:9

Kae na fakapilisoni loa e fanau a Iselaele a fafine mo toe o Matiane, ti na lotou too loa alatou kau manu lalasi fuli, mo alatou kau manu liliki fuli, mo alatou koloa fuli.

Sosue 6:24

Na lotou tutu loa le kolo mo nea fuli na maua i ai, kae na lotou tuku loa le siliva, mo le aulo, ti mo nea fuli na fau ki le kapa mo le ukamea ki le koloa o le fale o le Eteleno.

Apokalipisi 18:8

O tupu ko le nea lena, e soko loa i se aso e tasi a malaia ana, le mate, mo le putu, ti mo le oge, ti e tutu loa a ia e le afi. Talie e mafimafi le Aliki Atua leia na fakamaaui ia a ia.

Uluaki tosi a Samuele 30:1

I le kaku a Tavite i le tolu o aso ki Tesilake mo ana kau tagata, ko leinei, na taui e le kau Amaleke le potu saute o Suta, mo Tesilake ; ti kua lotou taai Tesilake, ti kua lotou tutu foki a ia ki le afi.