Ti na kalagai loa e Moisese a Misaele mo Elesafani, ko vosa o Usiele, taina o le tamana o Alone, o pati kia laua : kolua au o ave okoulua fetaina ke mamao i le sagatualio, ki fafo o le nofolaga.
Na ifo meia Keati le famili o le kau Amilame, mo le famili o le kau Isea, mo le famili o le kau Epelone, mo le famili o le kau Usiele, ala ko famili o le kau Keati.
Na tokaga loa le kau Keati ki le aleka tapu, mo le laupapa tapu, mo le tuuaga malaga, mo aletale, mo nea gaoi o le sagatualio, ti mo le lito tapono o le potu taputapu. Na lotou tokaga loa ki le tausi o nea fuli ana.
Ka oki loa le kofu e Alone mo ona vosa o nea tapu mo nea gaoi fuli o le falela tapu, e ano loa a vosa o Keati, i le kamata o le fanoga, o amo latou ; kae e leaise tonu ke lotou lave loa ki se nea tapu, talie e lotou mamate loa. Ko lena le gaoi o vosa o Keati i le falela tapu.
