Numelo 3:3 - Tosi Tapu

³ Ko igoa ana o vosa o Alone ala na fakanofo ke faisakilifisio ti na ulu loa ki le gaoi o tagata faisakilifisio.

Numelo 3:3 ပူးပေါင်းရင်းမြစ်များ

Uluaki tosi o Koloniko 23:6

Na vae fakakalasi loa latou e Tavite, o mulimuli ki vosa o Levi, ko Keasome, mo Keati, mo Melali.

Ekesote 28:41

E ke tui loa a teu ana ki lou taokete ko Alone, ti mo ona vosa. E ke liligi loa le lolo tapu ki olatou ulu, ti e ke fakatapui loa latou, ti e ke vaei kese loa latou, ti e lotou nofo loa o gaoi kiate au i le gaoi fakapelepitelo.

Ekesote 40:13

E ke fakatui loa kia Alone a kofu tapu, ti e ke pani loa a ia ki le lolo, ti e ke fakatapui loa a ia ke tausi kiate au i le gaoi fakapelepitelo.

Ekesote 40:15

ti e ke pani loa latou ki le lolo ofaipe lau pani lolatou tamana, o tupu ke lotou gaoi kiate au i le gaoi fakapelepitelo. Ko lolatou pani lena ki le lolo e fakamaoki ai loa latou o tuumau ki le gaoi fakapelepitelo i olatou sakoga.

Levitiko 8:12

Ti na liligi loa e ia le lolo tapu ki le fa ulu o Alone, ke fakatapui ai a ia.

Levitiko 8:30

Ti na too loa e Moisese le lolo o le fakatapu mo le toto leia na teki i aluga o le aletale, ti na fai loa e ia ki ai le afusi o Alone mo ona kofu tapu, ti mo vosa o Alone mo olatou kofu tapu.

Numelo 3:4

Na mate loa Natape mo Apiu i mua o le Eteleno, o tupu na la ave ia se afi kese ki mua o le Eteleno i le toafa o Sinai ; na la sala vosa. Ti na fai loa e Eleasale mo Itamale le gaoi o tagata faisakilifisio i mua o lola tamana ko Alone.

Epelo 7:28

Talie e fakanofo e le lao ke pule fai sakilifisio ni tagata gaegaeia ; kae ko le folafola o le sai, leia na fai i muli o le lao, na fakanofo ia le Alo leia e malie tukupau o lee gato.