Numelo 3:25 - Tosi Tapu

²⁵ Na tokaga loa le kau Kelesoni ki koga anei o le falela tapu : ki le falela taputapu mo le falela tapu, mo le la fakamalumalu o le falela tapu i tafa, mo le lito tapono o le uluaga ulu o le falela tapu,

Numelo 3:25 ပူးပေါင်းရင်းမြစ်များ

Uluaki tosi o Koloniko 23:32

Na lotou tokaga ki le falela tapu, mo le sagatualio, kae na tokaga olatou fetaina, vosa o Alone, ki le tausi o le fale o le Eteleno.

Lua tosi o Koloniko 31:2

Na toe fakatuu loa e Esekiasi a lakaga o le kau tagata faisakilifisio mo le kau Levi o mulimuli ki olatou vaevae ti mo alatou gaoi taki toka tasi, le kau tagata faisakilifisio mo le kau Levi, ki failaulau mo sakilifisio fakafetai, ki le tausi, ki sua mo fakavikiviki, i matapa o le sagatualio o le Eteleno.

Ekesote 25:9

E kotou fai loa le tapenakulo mo ona nea gaoi fuli o fakatatau ki le paaki leia e kau fakasa atu loa kiate koe.

Ekesote 40:19

Na folasi loa e ia le la ki le tapenakulo ; ti na folasi loa e ia le la ato i aluga, o mulimuli ki le nea leia na fakatotonu e le Eteleno kia Moisese.

Ekesote 40:28

Na tau loa e ia le lito i le matapa o le tapenakulo.

Numelo 1:50

Tuku loa ki le kau Levi ke tokaga ki le falela tapu, mo ona nea gaoi fuli, ti mo nea fuli ala e tuku i ai. E lotou amo loa le falela, ti mo ona nea gaoi fuli, ti e lotou fai ia loa lona tausi, ti e lotou nofo loa i ona tafatafa.

Numelo 10:17

Na vete loa le falela tapu, ti na ano loa a vosa o Kelesoni mo vosa o Melali, o amo le tapenakulo.

Numelo 3:24

Ko le pule o le kau Kelesoni ko Eliasafe, vosa o Laele.

Numelo 3:7

E lotou fai loa lalatou gaoi i mua o le falela tapu o fakasausau kia Alone mo le kakai katoa o Iselaele, ti e lotou fai loa a gaoi fuli ki le falela tapu.

Numelo 7:7

Na soli loa e ia a saliote e lua mo pipi tagata e fa ki vosa o Kelesoni, o mulimuli ki alatou gaoi.

Maleko 13:34

E fai loa pe se tagata leia ka folau e tuku ia lona fale. E tuku e ia le pule ki ana tagata fakasausau, o fakailoilo ki le tagata taki toka tasi lana gaoi, ti fakatotonu ki le tagata taupau matapa ke leo.

Kolose 4:17

Ti kotou pati kia Alikipe : tokaga ki le gaoi leia kua ke tali mei le Aliki, o tupu ke ke fai fakamalotoloto a ia.

Uluaki tosi kia Timoteo 1:18

Ko le fakatotonu leia e kau fai atu kiate koe Timoteo, ko laku fanau, o mulimuli ki folafola kikite ala na fai kiate koe i mua, ala na fakasa ia, ke ke tau le tau malie,