Numelo 29:7 - Tosi Tapu

⁷ I le aso kau agafulu o le fitu o masina, e kotou fai loa se fakatasi tapu, ti e kotou sesunio loa, ti e leaise kotou fai loa se gaoi fakamalama.

Numelo 29:7 ပူးပေါင်းရင်းမြစ်များ

Esetalasi 8:21

I le ganea lena, i le kauvai o le vaitafe ko Aava, na kau fakatotonu loa se sesunio fakamamae i mua o lomatou Atua, o tupu ke kole kiate ia ke puipui lomatou fanoga, mo amatou fanau, ti mo amatou nea fuli.

Pesalemo 35:13

Kae ko au, i le aso leia na lotou masaki ai, na kau kofu se taga, Na kau fakamamae loku laumalie i le sesunio, Na kau peluki loku ulu ki loku fatafata, ti na kau faikole.

Esaia 22:12

I le aso nei e kalaga atu kia koutou le Aliki, le Eteleno o kau tau, Ke kotou fetagisi mo pa okoutou fatafata, Ke kotou tele okoutou ulu ti mo tui le taga.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Sakalia 7:3

mo vesili ki le kau tagata faisakilifisio o le fale o le Eteleno o kau tau, ti mo le kau polofeta : Pe tonu ke kau tagi mo sesunio i le masina lima, ofaipe le nea leia na kau fai i ni fetuu mauke ?

Mateo 5:4

Manuia latou ala e loto mamae, talie e fakapelepelei loa latou !

Luka 13:3

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa.

Luka 13:5

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa ofaipe latou ana.

Gaoi 27:9

Ti kua sili foki se temi fualoa ai, ti kua soko loa le temi faigataa o le fai folau i le tai, talie kua oki le temi sesunio leia e malie ki le folau.

Loma 6:6

o tou iloa na tutuki i le koluse lotatou tagata afea mo ia, o tupu ke puli le makeke o le tino o le agasala, ti ke aua na tou toe popula ki le agasala ;

Uluaki tosi ki le kau Kolinto 9:27

Kae e kau fai fakaveliveli loku tino, ti e kau pulei fakamakeke a ia, o tupu na tiaki loa au i le oki o laku fakasa ia le Evaselio ki le kakai.