Numelo 29:6 - Tosi Tapu

⁶ E kotou momoli loa a sakilifisio ana, o fakalasi ai le failaulau mo le moliga o le masina taki tasi, mo le failaulau o le aso taki tasi mo lona moliga nea kai, mo lona lipasio ala e pipiki kia latou. Ko ni sakilifisio tutu latou e le afi, ko se nea manogi a ia ki le Eteleno.

Numelo 29:6 ပူးပေါင်းရင်းမြစ်များ

Esetalasi 3:4

Na lotou fakamanatu loa le aso o tapenakulo, ofaipe lona tuu i le tosi, ti na lotou momoli loa ni failaulau i aso taki tasi, o mulimuli ki le lasi o failaulau o le aso.

Levitiko 6:9

E kai loa e Alone mo ona vosa le nea leia e toe loa i le moliga ; e kai loa a ia sala fakatupu ; e lotou kai loa a ia i se ganea tapu, i le lotoa o le falela tapu.

Numelo 15:24

Ti kapau na agasala kae na leaise iloa, e momoli loa e le fakatasi katoa se failaulau ki se pipi tagata muli, ko se nea manogi malie a ia ki le Eteleno, mo lona moliga falina, mo lona lipasio, ti mo se koti tagata ki le sakilifisio o le fakamalie.

Numelo 15:4

Ko leia e fai ia loa lana moliga ki le Eteleno e ave loa e ia se moliga nea kai ko kilo falina e tolu ala kua lusi fakatasi mo se liti lolo e tasi mo se vaelua,

Numelo 28:27

E kotou momoli loa se failaulau, ko se nea manogi a ia ki le Eteleno, ko ni pipi tagata e lua, mo se ovi tagata e tasi, ti mo ni akeno fetuu taki tasi e fitu.

Numelo 29:18

mo le moliga falina mo lipasio ki pipi tagata, mo ovi tagata, mo akeno, o fai ki le lasi o manu, o fakalogo ki lekula ala kua fakatuu.

Numelo 29:21

mo le moliga falina mo lipasio ki pipi tagata, mo ovi tagata, ti mo akeno, o fai ki le lasi o manu, o fakalogo ki lekula ala kua fakatuu.

Numelo 29:5

E kotou momoli loa se koti tagata e tasi i se sakilifisio ki le fakamalie, ke fai ai le fakamalie kia koutou.

Numelo 7:13

Ko lana moliga : ko se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana na apele lualua i le falina mea leia kua lusi fakatasi mo le lolo, ki le moliga nea kai ;

Numelo 9:14

Kapau e fai loa le Pasikate e se tagata matapule leia e nofo i lokoutou fenua, e mulimuli loa a ia ki lao mo fakatotonu o le Pasikate. E i ai loa se lao e tasi ki le tagata o Iselaele mo le tagata matapule.