Numelo 29:18 - Tosi Tapu

¹⁸ mo le moliga falina mo lipasio ki pipi tagata, mo ovi tagata, mo akeno, o fai ki le lasi o manu, o fakalogo ki lekula ala kua fakatuu.

Numelo 29:18 ပူးပေါင်းရင်းမြစ်များ

Levitiko 2:1

Kapau e fai loa e se tagata sana moliga nea kai ki le Eteleno, e fai loa e ia lana moliga ki le falina tea ; ti e liligi loa e ia se lolo ki aluga, ti e toe tuku loa e ia ki ai se iseso.

Levitiko 23:18

E kotou toe momoli loa ni failaulau ki le Eteleno, ke fakalasi ai le moliga pane : ko ni akeno e fitu ala e fetuu taki tasi mo lee mele, mo se pipi tagata muli, ti mo ni ovi tagata e lua ; ti kotou ave latou mo olatou moliga falina, mo moliga vino masani. Ko ni sakilifisio tutu latou e le afi, ko se nea manogi malie a ia ki le Eteleno.

Numelo 28:14

Ko lipasio ko liti vino e tolu ki le pipi tagata e tasi, mo liti vino e lua ki le ovi tagata e tasi, ti mo le liti vino e tasi mo le vaelua ki le akeno e tasi. Ko le failaulau a ia o le kamataaga o le masina, ki le masina taki tasi i masina fuli o le fetuu.

Numelo 28:7

Ko lona lipasio (moliga nea inu) ko se liti vino e tasi mo se vaelua ki le akeno taki tasi : e ke fai loa le lipasio ki le Eteleno i le sagatualio.

Numelo 29:6

E kotou momoli loa a sakilifisio ana, o fakalasi ai le failaulau mo le moliga o le masina taki tasi, mo le failaulau o le aso taki tasi mo lona moliga nea kai, mo lona lipasio ala e pipiki kia latou. Ko ni sakilifisio tutu latou e le afi, ko se nea manogi a ia ki le Eteleno.