Numelo 29:17 - Tosi Tapu

¹⁷ I le lua o aso, e kotou momoli loa ni pipi tagata muli e kau agafulu tupu lua, mo ni ovi tagata e lua, ti mo ni akeno fetuu tasi e kau agafulu tupu fa, ala e lee mele fuli loa,

Numelo 29:17 ပူးပေါင်းရင်းမြစ်များ

Pesalemo 40:6

Eteleno, loku Atua ! na ke liuliuga Au gaoi fakatalatupua mo au fakatuutuu kia matou. E leaise tasi e tatau mo koe : E kau fia fakasa ti e kau fia fakamatala au gaoi, Kae e lotou lasi ai ke kau fakamatala fuli latou.

Pesalemo 69:31

E kau fakafetai loa ki le suafa o le Atua i ni katiko, E kau sua loa kiate ia ni fakavikiviki.

Ekesote 12:5

E kotou too loa se akeno tagata lee mele, mo fetuu tasi. E feala ke kotou too loa se akeno pe ko se uviki koti.

Esaia 1:11

E pati le Eteleno : kolea le uiga o le liuliuga o akoutou sakilifisio ? Kua kau makona i failaulau o ovi tagata ti mo le gako o uviki pipi tagata ; E leaise kau maua se fiafia i le toto o pipi tagata, mo ovi fafine ti mo koti tagata.

Oseo 6:6

Talie e kau alofa ki le manava alofa kae leai ki sakilifisio, Ti mo le iloa o le Atua o lasi ake i failaulau.

Levitiko 23:36

I aso e fitu, e kotou momoli loa ki le Eteleno ni sakilifisio tutu e le afi. I le valu o aso, e kotou fai loa se fakatasi tapu, ti e kotou momoli loa ki le Eteleno ni sakilifisio tutu e le afi ; ko se fakatasi tapu loa a ia : aua na kotou fai loa se gaoi masani.

Numelo 29:13

I le uluaki aso e kotou momoli loa ki le Eteleno se failaulau tutu e le afi, ko se nea manogi a ia ki le Eteleno : ko ni pipi tagata muli e kau agafulu tupu tolu, mo ni ovi tagata e lua, ti mo ni akeno e kau agafulu tupu fa : e lotou lee mele fuli loa.

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Epelo 8:13

I le pati : sai foou, na fakasa e ia kua matua le uluaki sai ; Koia ko le nea leia kua matua, le nea leia kua gaegae, kua meimei ke puli.