Numelo 28:9 - Tosi Tapu

⁹ I le aso o le sapato, e kotou momoli loa ni akeno e lua ala e fetuu taki tasi mo lee mele, mo se moliga nea kai ko kilo falina e ono ala kua lusi fakatasi mo le lolo, ti mo se moliga nea inu.

Numelo 28:9 ပူးပေါင်းရင်းမြစ်များ

Lua tosi o Sau 4:23

Ti na pati loa lona avaga : Kolea kua ke loto ai ke ke ano kiate ia i le aso nei ? E leaise ko se masina foou pe ko se aso sapato. Na tali loa le fafine : E leaise veli se nea.

Lua tosi o Koloniko 2:3

Na kakau loa e Salomone ke pati kia Ilame, le sau o Tile : Ke ke fai mai kiate au ofaipe lau fai kia Tavite, loku tamana, leia na ke aumai ki ai ni sete ke fau ai lona fale nofo.

Lua tosi o Koloniko 2:4

Ko leinei, e kau laga ia se fale ki le suafa o le Eteleno, loku Atua, se fale ke fakatapu kiate ia, ke tutu ai le kaloni fakamanogi i ona mua, ke tuku tuumau ai a pane tapu, ti ke momoli ai a failaulau o le usu, mo le afiafi, mo sapato, mo masina foou, ti mo aso lalasi o le Eteleno, lomatou Atua, o mulimuli ki se lao lee gato ki Iselaele.

Lua tosi o Koloniko 8:13

Na momoli e ia le nea leia na fakatotonu e Moisese ki le aso taki tasi, mo sapato, mo masina foou, ti mo aso lalasi, o tua tolu i le fetuu, mo le aso lasi o pane sala fakatupu, mo le aso lasi o vasaa, ti mo le aso lasi o falela.

Esaia 58:13

Kapau e ke taofi lou vae i le aso o le sapato, Ke aua na fai lou loto i loku aso maokioki, Kapau e ke fai ki le sapato lou fiafiaaga, Ke tausi a ia ki le kololia o le Eteleno, Ti kapau e ke fakamauiga a ia, o leaise mulimuli i ou ala, O leaise mulimuli ki oli o lou loto mo au manatu noa,

Esekiele 20:12

Ti na kau soli foki kia latou oku sapato ofaipe se fakamailoga iate au mo latou, o tupu ke lotou iloa ko au ko le Eteleno leia e fakamaokioki ia latou.

Esekiele 46:4

Ko le failaulau leia e momoli loa e le tama aliki ki le Eteleno i le aso o le sapato, e fai loa ki ni akeno lee mele e ono mo se ovi tagata lee mele ;

Numelo 28:10

Ko le failaulau tutu a ia o le sapato, ki sapato taki tasi, kae kese fai le failaulau tutu o aso taki tasi mo le lipasio.

Numelo 28:8

E ke momoli loa le lua o akeno i le afiafi, mo se moliga nea kai, mo se moliga nea inu, ofaipe le usu ; ko se sakilifisio tutu a ia e le afi, ko se nea manogi ki le Eteleno.

Apokalipisi 1:10

Na kau too loa e le Laumalie i le aso o le Aliki, ti na kau logo loa i oku muli ki se leo makeke, ofaipe se leo o se fakatagi pupusi,