Numelo 28:7 - Tosi Tapu

⁷ Ko lona lipasio (moliga nea inu) ko se liti vino e tasi mo se vaelua ki le akeno taki tasi : e ke fai loa le lipasio ki le Eteleno i le sagatualio.

Numelo 28:7 ပူးပေါင်းရင်းမြစ်များ

Ekesote 29:40

E ke momoli fakatasi loa mo le uluaki akeno se falina mea, ko le vaega kau agafulu e tasi o le efa, leia kua lusi ki se liti lolo olive tuki e tasi vaelua, ti mo se vino, ko le liti e tasi vaelua.

Ekesote 29:42

Ko lena loa le failaulau leia e tonu ke fai tuumau e okoutou sakoga i mua o le uluaga o le falela tapu, i mua o le Eteleno : ko le ganea lena e kau felavei ai loa mo koutou ti e kau masau ai loa kiate koe.

Ekesote 30:9

E leaise kotou momoli loa i le aletale se kaloni kese, pe ko se failaulau, pe ko se moliga, ti e leaise kotou liligi loa i ai se moliga vino.

Esaia 57:6

E maua lou vaega i fatu momole o liua, Ko lena, ko lena lou vaega ; Ko latou ana e ke liligi ki ai ni moliga vino, E ke fai ki ai ni moliga : Pe mafai ke kau tuku noa a nea ana ?

Soele 1:13

Tagata faisakilifisio, kotou tui okoutou kofu fakamamae ti kotou fetagisi ! Kotou tagi laulau, tagata fakasausau o le aletale ! Kotou au, kotou alaala i le po katoa mo okoutou taga, Tagata fakasausau o le fale o loku Atua ! Talie kua puli a moliga mo lipasio i le fale o lokoutou Atua.

Soele 1:9

Kua pupuli moliga mo lipasio i le fale o le Eteleno ; Kua mamae a tagata faisakilifisio, tagata fakasausau a le Eteleno.

Soele 2:14

Ko ai e iloa ia pe leaise toe tafoki loa a ia ti e fakasemala loa a ia, Pe leaise tuku loa e ia le tapuakina i ona muli ? Ti e feala loa ke kotou momoli ni failaulau mo ni lipasio ki le Eteleno, lokoutou Atua.

Levitiko 1:9

E fufulu loa e ia ki se vai a tootooga mo vae ; ti e tutu loa e le tagata faisakilifisio a nea fuli i aluga o le aletale : ko se failaulau tutu a ia, ko se failaulau kua tutu e le afi, ti ko se nea manogi malie ki le Eteleno.

Levitiko 23:13

Ti kotou ave loa a ia mo se moliga nea kai, ko ni kilo falina e ono ala kua lusi ki le lolo, ofaipe se moliga tutu e le afi, ko se nea manogi malie a ia ki le Eteleno ; ti e kotou fai loa se moliga vino, ko se liti e tasi mo se vaelua.

Numelo 15:10

ti e ke fai loa se lipasio ki ni liti vino e tolu : ko se sakilifisio tutu katoa e le afi, ti e afu manogi a ia ki le Eteleno.

Numelo 15:5

ti e ke fai loa se lipasio ki se liti vino e tasi mo se vaelua ki akeno fuli ala e momoli loa i se failaulau pe ko se sakilifisio fakafetai.

Numelo 15:7

ti e ke fai loa mo se lipasio ki ni liti vino e lua, ofaipe se moliga leia e afu manogi ki le Eteleno.

Numelo 28:14

Ko lipasio ko liti vino e tolu ki le pipi tagata e tasi, mo liti vino e lua ki le ovi tagata e tasi, ti mo le liti vino e tasi mo le vaelua ki le akeno e tasi. Ko le failaulau a ia o le kamataaga o le masina, ki le masina taki tasi i masina fuli o le fetuu.

Numelo 28:31

E kotou momoli loa a sakilifisio ana, o fakalasi ai le failaulau o le aso taki tasi mo lona moliga nea kai. E kotou momoli loa ni akeno lee mele, mo olatou lipasio.

Numelo 28:6

Ko le sakilifisio a ia o le aso taki tasi, leia e tatau mo le sakilifisio leia na fai ki le Eteleno i le mauga ko Sinai : Ko se sakilifisio tutu a ia, ko se nea manogi malie ki le Eteleno.

Numelo 28:8

E ke momoli loa le lua o akeno i le afiafi, mo se moliga nea kai, mo se moliga nea inu, ofaipe le usu ; ko se sakilifisio tutu a ia e le afi, ko se nea manogi ki le Eteleno.

Filipe 2:17

Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.