Numelo 28:6 - Tosi Tapu

⁶ Ko le sakilifisio a ia o le aso taki tasi, leia e tatau mo le sakilifisio leia na fai ki le Eteleno i le mauga ko Sinai : Ko se sakilifisio tutu a ia, ko se nea manogi malie ki le Eteleno.

Numelo 28:6 ပူးပေါင်းရင်းမြစ်များ

Lua tosi o Koloniko 2:4

Ko leinei, e kau laga ia se fale ki le suafa o le Eteleno, loku Atua, se fale ke fakatapu kiate ia, ke tutu ai le kaloni fakamanogi i ona mua, ke tuku tuumau ai a pane tapu, ti ke momoli ai a failaulau o le usu, mo le afiafi, mo sapato, mo masina foou, ti mo aso lalasi o le Eteleno, lomatou Atua, o mulimuli ki se lao lee gato ki Iselaele.

Lua tosi o Koloniko 31:3

Na soli loa e le sau se potu o lona koloa ki failaulau, ki failaulau o le usu mo le afiafi, ti mo failaulau o aso sapato, mo masina foou ti mo aso lalasi, ofaipe lona tuu i le lao a le Eteleno.

Esetalasi 3:4

Na lotou fakamanatu loa le aso o tapenakulo, ofaipe lona tuu i le tosi, ti na lotou momoli loa ni failaulau i aso taki tasi, o mulimuli ki le lasi o failaulau o le aso.

Pesalemo 50:8

E leaise kau valoki a koe o tupu ko au sakilifisio ; Pe ko au failaulau ala e fai tuumau i oku mua.

Ekesote 24:18

Na ulu loa Moisese ki loto malie o le ao, o pale ki le mauga. Ti na nofo loa Moisese i le mauga i aso e kau fa mo po e kau fa.

Ekesote 31:18

I le oki o le masau a le Eteleno kia Moisese i le mauga o Sinai, na soli loa e ia kia Moisese a fatu e lua o le fakamaoki, ala na tosi e le lima o le Atua.

Esekiele 46:14

E ke teki loa ki le failaulau se moliga nea kai i usu fuli : ko le vaega ono o le efa, mo le vaega tolu o le ini lolo, ke lusi ai le falina. Ko se moliga nea kai lena ki le Eteleno, ti e tonu ke mulimuli tuumau ki ona lao.

Esekiele 46:15

E momoli loa ki le Eteleno i usu fuli le akeno, mo le moliga nea kai, mo le lolo : Ko se failaulau lena e tonu ke fai tuumau.

Levitiko 27:34

Ko na a lao ala na fakasa e le Eteleno kia Moisese ki fanau a Iselaele, i aluga o le mauga o Sinai.

Levitiko 6:9

E kai loa e Alone mo ona vosa le nea leia e toe loa i le moliga ; e kai loa a ia sala fakatupu ; e lotou kai loa a ia i se ganea tapu, i le lotoa o le falela tapu.

Amosi 5:25

Pe na kotou fai mai kiate au ni failaulau mo ni moliga I fetuu e kau fa i le toafa, fale o Iselaele ?…

Numelo 28:5

mo le moliga nea kai, ko ni kilo falina e tolu ala kua lusi fakatasi mo se liti lolo olive mea e tasi mo se vaelua.

Numelo 28:7

Ko lona lipasio (moliga nea inu) ko se liti vino e tasi mo se vaelua ki le akeno taki tasi : e ke fai loa le lipasio ki le Eteleno i le sagatualio.

Filipe 2:17

Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.