Numelo 28:3 - Tosi Tapu

³ E ke pati loa kia latou : Ko leinei le sakilifisio tutu e le afi leia e kotou momoli loa ki le Eteleno : i aso fuli, ko akeno fetuu taki tasi e lua mo lee mele, ofaipe se failaulau leia e fai sosoko.

Numelo 28:3 ပူးပေါင်းရင်းမြစ်များ

Uluaki tosi o Koloniko 16:40

o tupu ke lotou momoli tuumau ni failaulau ki le Eteleno, i le usu mo le afiafi, i aluga o le aletale o failaulau, ti ke lotou fai a nea fuli ala e tuu i le lao a le Eteleno, leia na tuku e le Eteleno ki Iselaele.

Lua tosi o Koloniko 8:13

Na momoli e ia le nea leia na fakatotonu e Moisese ki le aso taki tasi, mo sapato, mo masina foou, ti mo aso lalasi, o tua tolu i le fetuu, mo le aso lasi o pane sala fakatupu, mo le aso lasi o vasaa, ti mo le aso lasi o falela.

Esetalasi 3:5

I le oki o nea ana, na lotou momoli loa le failaulau o le aso taki tasi, mo failaulau o le masina foou, mo aso lalasi fuli o le Eteleno, mo sakilifisio a latou ala na fia fai moliga ki le Eteleno.

Taniela 11:31

E au loa ni solia i lana fakatotonu ; ti e lotou fakakelekele loa le fale tapu, mo le kolo tau, ti e lotou taofi loa le failaulau o aso taki tasi, ti e lotou fakatuu loa ki le aletale le fakatata fakalialia o le tagata maumau.

Taniela 12:11

Mei le temi leia e fakagato ai loa le failaulau o aso taki tasi, ti e fakatuu ai loa i le aletale le fakalialia a le tagata maumau, e i ai loa ni aso e afe kau lelau lua kau iva.

Taniela 8:11

Na malaga loa a ia o kaku ki le pule o le kau tau, ti na too loa e ia le failaulau o aso taki tasi meiate ia, kae fakakelekele loa e ia le sagatualio.

Taniela 8:13

Na kau logo loa ki le masau a se aselo, ti na tali loa se tasi ake aselo ki leia na masau : Pe fualoa loa le temi leia e soko ai le tio ki le sakilifisio o aso taki tasi, mo le agasala o le tagata maumau ? Pe kaku loa kiafea le takatakafi o le sagatualio mo le solia o le lagi ?

Levitiko 3:5

E tutu loa e le kau faisakilifisio a nea fuli ana i aluga o le aletale, o fakatasi mo le failaulau leia e teki loa i aluga o le fafie i le afi. Ko se sakilifisio tutu a ia e le afi, ti ko se nea manogi malie a ia ki le Eteleno.

Levitiko 6:9

E kai loa e Alone mo ona vosa le nea leia e toe loa i le moliga ; e kai loa a ia sala fakatupu ; e lotou kai loa a ia i se ganea tapu, i le lotoa o le falela tapu.

Amosi 4:4

Kotou ano ki Petele, ti kotou agasala ! Kotou ano ki Kilikale, ti kotou asilisili agasala ! Kotou momoli akoutou sakilifisio i usu fuli, Ti mo akoutou vaega kau agafulu i aso fuli e tolu !

Numelo 28:10

Ko le failaulau tutu a ia o le sapato, ki sapato taki tasi, kae kese fai le failaulau tutu o aso taki tasi mo le lipasio.

Numelo 28:15

E momoli loa ki le Eteleno se koti tagata, i se sakilifisio o le fakamalie, o toe fakalasi ai le failaulau o le aso taki tasi mo lona lipasio.

Numelo 28:23

E kotou momoli loa a sakilifisio ana, o fakalasi ai le failaulau masani o le usu, leia e tonu ke fai tuumau i aso taki tasi.

Numelo 28:24

E kotou momoli loa latou i le aso taki tasi, lolotoga o aso e fitu, ofaipe le nea kai o se sakilifisio tutu e le afi, ko se nea manogi a ia ki le Eteleno. E momoli loa latou, o fakalasi ai le failaulau masani o le usu mo lona lipasio.

Numelo 28:31

E kotou momoli loa a sakilifisio ana, o fakalasi ai le failaulau o le aso taki tasi mo lona moliga nea kai. E kotou momoli loa ni akeno lee mele, mo olatou lipasio.

Numelo 28:4

E ke momoli loa le tasi akeno i le usu, ti ko le tasi akeno i le afiafi,

Numelo 29:11

E kotou momoli loa se koti tagata e tasi i se sakilifisio ki le fakamalie, o fakalasi ai le sakilifisio fakamalie masani, mo le failaulau o aso taki tasi ti mo lona moliga nea kai, ti mo lipasio masani.

Numelo 29:16

E kotou momoli loa se koti tagata i se sakilifisio fakamalie, o fakalasi ai le failaulau o le aso taki tasi, mo lona moliga falina mo lona lipasio.

Numelo 29:6

E kotou momoli loa a sakilifisio ana, o fakalasi ai le failaulau mo le moliga o le masina taki tasi, mo le failaulau o le aso taki tasi mo lona moliga nea kai, mo lona lipasio ala e pipiki kia latou. Ko ni sakilifisio tutu latou e le afi, ko se nea manogi a ia ki le Eteleno.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Epelo 9:6

I le oki o le fakatuutuu fenaaki o nea fuli ana, ko tagata fai sakilifisio ala e fai ia le gaoi tapu e ulu i temi fuli ki le uluaki potu o le tapenakulo.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.