Numelo 28:2 - Tosi Tapu

² Kotou tokaga loa o aumai kiate au, i olatou temi totonu, loku moliga, le nea kai o aku sakilifisio tutu e le afi, ala e manogi malie kiate au.

Numelo 28:2 ပူးပေါင်းရင်းမြစ်များ

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Uluaki tosi o Koloniko 23:31

ti ke lotou momoli tuumau i mua o le Eteleno a failaulau fuli ki le Eteleno, i aso sapato, mo masina foou, mo aso lalasi, o mulimuli ki le lasi o aso mo nea fuli ala kua fakatuutuu kia latou.

Lua tosi o Koloniko 23:18

Na toe tuku loa e Seosata a gaoi o le fale o le Eteleno ki lima o le kau tagata faisakilifisio, mo le kau Levi, ala na fakavaevae e Tavite i le fale o le Eteleno, o tupu ke lotou momoli a failaulau ki le Eteleno, ofaipe lona tosi i le lao a Moisese, i loto malie o ni fakafiafia mo ni sua, o mulimuli ki fakatotonu a Tavite.

Lua tosi o Koloniko 31:3

Na soli loa e le sau se potu o lona koloa ki failaulau, ki failaulau o le usu mo le afiafi, ti mo failaulau o aso sapato, mo masina foou ti mo aso lalasi, ofaipe lona tuu i le lao a le Eteleno.

Esetalasi 3:2

Ko Sosue, vosa o Sotesatake, mo ona fetaina kau tagata faisakilifisio, mo Solopapele, vosa o Saletiele, mo ona fetaina, na tutuu ake loa ki aluga o fakatuu le aletale o le Atua o Iselaele, ke momoli ai a failaulau o mulimuli ki le nea leia e tuu i le lao a Moisese, le tagata a le Atua.

Esetalasi 3:3

Na lotou toe fakatuu loa le aletale i lona tuuaga, kae na lotou tuania ia le kakai o le fenua, ti na lotou momoli loa ni failaulau ki le Eteleno, a failaulau o le usu mo le afiafi.

Neemia 10:34

Na motou fai loa le toso, e matou ala ko le kau tagata faisakilifisio mo le kau Levi ti mo le kakai, ki le fakaanoano o le fafie leia e tonu ke motou aumai i fetuu fuli ki le fale o lomatou Atua, o mulimuli ki fale o omatou tamana, ti mo ni lakaga kua fakatuutuu ki ai, o tupu ke tutu a ia i le aletale o le Eteleno, lomatou Atua, o mulimuli ki le nea leia kua tosi i le lao.

Pesalemo 81:3

Kotou sua ni katiko, kotou fakagugulu le nafa, Mo le alepe logo malie, mo le lute !

Ekesote 23:15

E ke taupau loa le aso o pane sala fakatupu ; i aso e fitu, i le temi leia kua oki i le fakatuutuu i le masina o fulumeto, e ke kai loa ni pane sala fakatupu, o mulimuli ki le nea leia na kau fakatotonu atu kiate koe, talie na ke mavae mei Esipito i le masina lena ; ti ke aua na au loa se tasi ki mua o le Eteleno mo lima ata.

Ekesote 29:18

E ke tutu loa le ovi tagata katoa i le aletale ; ko se failaulau lena ki le Eteleno, ko se sakilifisio leia e tutu e le afi, ti e manogi malie a ia ki le Eteleno.

Esekiele 16:19

Ko le pane leia na kau soli atu kiate koe, mo le falina tea, mo le lolo, mo le meli, ala na kau fagai a koe ki ai, na ke momoli loa kia latou a nea ana ofaipe ni kaloni manogi malie. Ko lena le nea leia na soko, e pati le Aliki, le Eteleno.

Esekiele 20:41

E kau tali loa koutou ofaipe se kaloni manogi fakaaloalofa, mo ka kau fakamavae loa koutou i loto malie o kakai, ti mo fakatasii koutou i fenua ala na kotou mavetevete ai ; ti e kotou fakasa loa i ai loku maokioki i mua o atu puleaga.

Esekiele 45:17

E tokaga loa le tama aliki ki failaulau, mo moliga nea kai, mo moliga vino, mo aso lalasi o masina foou, mo sapato, mo aso lalasi fuli o le fale o Iselaele. E momoli loa e ia le sakilifisio fakamolemole o agasala, mo le moliga nea kai, mo le failaulau, mo sakilifisio fakafetai, mo sakilifisio ki le fakamolemole o agasala o le fale o Iselaele.

Levitiko 1:13

E fufulu loa e ia ki se vai a vava ti mo vae ; ti e tutu loa e le tagata faisakilifisio a nea fuli i aluga o le aletale. Ko se failaulau tutu a ia, ko se failaulau a ia kua tutu e le afi, ti ko se nea manogi malie a ia ki le Eteleno.

Levitiko 1:17

E saei loa e ia le manu lele i loto malie o kapakau, kae e leaise motusi oki loa e ia a ia ; ti e tutu loa e le tagata faisakilifisio le manu lele i aluga o le aletale, i aluga o le fafie leia kua eti i le afi. Ko se moliga a ia o le failaulau, ko se sakilifisio a ia kua tutu e le afi, ti ko se nea manogi malie a ia ki le Eteleno.

Levitiko 1:9

E fufulu loa e ia ki se vai a tootooga mo vae ; ti e tutu loa e le tagata faisakilifisio a nea fuli i aluga o le aletale : ko se failaulau tutu a ia, ko se failaulau kua tutu e le afi, ti ko se nea manogi malie ki le Eteleno.

Levitiko 21:6

E lotou maokioki loa ki lolatou Atua ; ti e leaise lotou fakamatagafua loa le suafa o lolatou Atua, talie e lotou momoli ki le Eteleno a failaulau tutu e le afi, le nea kai o lolatou Atua : e lotou maokioki loa.

Levitiko 21:8

E ke tio loa ki le tagata faisakilifisio e maokioki, talie e momoli e ia le nea kai o lona Atua ; e maokioki loa a ia kiate koe, talie e kau maokioki, a au, ko le Eteleno, leia e fakamaokioki ia koutou.

Levitiko 3:11

E tutu loa e le tagata faisakilifisio a nea fuli ana i aluga o le aletale. Ko se nea kai tutu a ia e le afi ki le Eteleno.

Malakia 1:12

Kae ko koutou, e kotou fakakelekele loku suafa, O kotou pati : E kelekele le laupapa o le Eteleno, Ti ko le nea leia e maua i ai ko se nea kai veli.

Malakia 1:7

E kotou momoli i loku aletale ni nea kai kelekele, Ti e kotou pati : Kolea le nea leia na motou fakanoai ai a koe ? Se tupu na kotou pati : E noa le laupapa o le Eteleno !

Numelo 15:24

Ti kapau na agasala kae na leaise iloa, e momoli loa e le fakatasi katoa se failaulau ki se pipi tagata muli, ko se nea manogi malie a ia ki le Eteleno, mo lona moliga falina, mo lona lipasio, ti mo se koti tagata ki le sakilifisio o le fakamalie.

Numelo 15:3

e kotou momoli loa ki le Eteleno ni sakilifisio tutu katoa e le afi mo ni sakilifisio fakafetai, pe ki le fakasoko o se fakapapau, pe i le loto malie, pe i aso fakafiafia. E kotou filifili loa ki sakilifisio ana se pipi tagata, pe ko se ovi, pe ko se koti fafine, ti e kau tali malie loa le afu manogi o sakilifisio ana, ko au ko le Eteleno.

Numelo 15:7

ti e ke fai loa mo se lipasio ki ni liti vino e lua, ofaipe se moliga leia e afu manogi ki le Eteleno.

Numelo 28:1

Na masau loa le Eteleno kia Moisese, o pati : Tuku le fakatotonu leinei ki fanau a Iselaele, o ke pati kia latou :

Numelo 29:39

Ko na a sakilifisio ala e kotou momoli loa ki le Eteleno i okoutou aso lalasi, o fakalasi ai a failaulau, mo moliga falina, mo lipasio, mo sakilifisio fakafetai, ala e kotou fai i lokoutou loto malie, pe ke fakasoko ai se fakapapau.

Numelo 9:13

Kapau e leaise fai loa le Pasikate e leia e mea pe ko leia e leaise fanoga i se fenua mamao, e tuuti loa le tagata lena mei lona kakai, talie na leaise ave e ia le moliga ki le Eteleno i lona aso leia kua fakatuutuu ki ai, ti e amo loa e le tagata lena le tua o lana agasala.

Numelo 9:7

ti na pati loa a tagata ana kia laua : E motou kelekele o tupu ko se mate ; Kolea e leaise motou aumai ai loa i le temi leia kua fakatuutuu ki ai le moliga ki le Eteleno ofaipe fanau fuli o Iselaele ?

Lua tosi ki le kau Kolinto 2:15

Talie ko le kaloni tatou o Kilisito ki le Atua, ia latou ala kua fakamauli, ti mo latou ala e mamate :

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.