Numelo 28:11 - Tosi Tapu

¹¹ I le uluaki aso o masina fuli, e kotou momoli loa ki le Eteleno, se failaulau ko ni pipi tagata e lua, mo se ovi tagata e tasi, mo ni akeno fetuu taki tasi e fitu, ko manu fuli ana e tonu ke lee mele.

Numelo 28:11 ပူးပေါင်းရင်းမြစ်များ

Lua tosi o Sau 4:23

Ti na pati loa lona avaga : Kolea kua ke loto ai ke ke ano kiate ia i le aso nei ? E leaise ko se masina foou pe ko se aso sapato. Na tali loa le fafine : E leaise veli se nea.

Uluaki tosi o Koloniko 23:31

ti ke lotou momoli tuumau i mua o le Eteleno a failaulau fuli ki le Eteleno, i aso sapato, mo masina foou, mo aso lalasi, o mulimuli ki le lasi o aso mo nea fuli ala kua fakatuutuu kia latou.

Lua tosi o Koloniko 2:3

Na kakau loa e Salomone ke pati kia Ilame, le sau o Tile : Ke ke fai mai kiate au ofaipe lau fai kia Tavite, loku tamana, leia na ke aumai ki ai ni sete ke fau ai lona fale nofo.

Lua tosi o Koloniko 2:4

Ko leinei, e kau laga ia se fale ki le suafa o le Eteleno, loku Atua, se fale ke fakatapu kiate ia, ke tutu ai le kaloni fakamanogi i ona mua, ke tuku tuumau ai a pane tapu, ti ke momoli ai a failaulau o le usu, mo le afiafi, mo sapato, mo masina foou, ti mo aso lalasi o le Eteleno, lomatou Atua, o mulimuli ki se lao lee gato ki Iselaele.

Lua tosi o Koloniko 8:13

Na momoli e ia le nea leia na fakatotonu e Moisese ki le aso taki tasi, mo sapato, mo masina foou, ti mo aso lalasi, o tua tolu i le fetuu, mo le aso lasi o pane sala fakatupu, mo le aso lasi o vasaa, ti mo le aso lasi o falela.

Esetalasi 3:5

I le oki o nea ana, na lotou momoli loa le failaulau o le aso taki tasi, mo failaulau o le masina foou, mo aso lalasi fuli o le Eteleno, mo sakilifisio a latou ala na fia fai moliga ki le Eteleno.

Neemia 10:33

ki le pane tapu, mo le moliga o le aso taki tasi, mo le failaulau o le sapato, mo masina foou, mo aso lalasi, ki nea taputapu, mo sakilifisio fakamolemole o agasala a Iselaele, ti mo nea fuli ala e fai i le fale o lomatou Atua.

Pesalemo 40:6

Eteleno, loku Atua ! na ke liuliuga Au gaoi fakatalatupua mo au fakatuutuu kia matou. E leaise tasi e tatau mo koe : E kau fia fakasa ti e kau fia fakamatala au gaoi, Kae e lotou lasi ai ke kau fakamatala fuli latou.

Pesalemo 40:8

Koia e kau pati ai : Ko leinei, e kau au Mo le takaiga tosi leia na tosi kiate au.

Pesalemo 81:3

Kotou sua ni katiko, kotou fakagugulu le nafa, Mo le alepe logo malie, mo le lute !

Pesalemo 81:4

Kotou pupusi le fakatagi pupusi i le masina foou, I le katoa o le masina, i lotatou aso lasi !

Esaia 66:23

I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Esekiele 46:1

E folafola le Aliki, le Eteleno, o pati : E mapono loa le matapa o le malae loto, i le fetuu esite, i aso e ono ala e gaoi ai ; kae e fakamavaa loa a ia i le aso o le sapato, ti e toe fakamavaa foki a ia i le aso o le masina foou.

Esekiele 46:6

I le aso o le masina foou, e momoli loa e ia se pipi tagata muli, mo ni akeno lee mele e ono, mo se ovi tagata lee mele ;

Esekiele 46:7

ti ko lana moliga nea kai, ko se efa e tasi ki le pipi tagata, mo se efa e tasi ki le ovi tagata, mo le nea leia e loto a ia ki ai ki akeno, mo se ini lolo e tasi i le efa e tasi.

Oseo 2:11

Koia e kau toe too ai loa laku fulumeto i lona temi ti mo laku vino i lona lakaga, ti e kau too loa laku fului manu mo le kie leia na tonu ke fufu ia lona telefua.

Levitiko 1:13

E fufulu loa e ia ki se vai a vava ti mo vae ; ti e tutu loa e le tagata faisakilifisio a nea fuli i aluga o le aletale. Ko se failaulau tutu a ia, ko se failaulau a ia kua tutu e le afi, ti ko se nea manogi malie a ia ki le Eteleno.

Levitiko 1:3

Kapau ko lana moliga ko se manu lasi ki le failaulau, e momoli loa e ia se manu tagata lee mele ; e momoli loa e ia le manu i le uluaga o le falela tapu, i mua o le Eteleno, ke tali malie loa a ia e le Eteleno.

Levitiko 1:9

E fufulu loa e ia ki se vai a tootooga mo vae ; ti e tutu loa e le tagata faisakilifisio a nea fuli i aluga o le aletale : ko se failaulau tutu a ia, ko se failaulau kua tutu e le afi, ti ko se nea manogi malie ki le Eteleno.

Amosi 3:5

Pe vilo le manu lele ki le kupega leia e tuku i le kele, Kae e leikiaise fai se masele ? Pe malaga le kupega i le kele Kae e leikiaise piki i ai se nea ?

Amosi 8:5

E kotou pati : Ke oki vave la a aso lalasi o le masina foou, Kae feala ke motou toe fakatau lamatou fulumeto ! Ke oki vave la le sapato kae toe fakamavaa omatou fale tanaki fulumeto ! E motou fakaikiiki loa le kilo, kae motou siki loa lona totogi, E motou fakasalasala loa a fua ke kakaai.

Numelo 10:10

I okoutou aso fakafiafia, mo okoutou aso lalasi, ti mo okoutou masina foou, e kotou pupusi loa a fakatagi pupusi, mo ka kotou momoli loa akoutou failaulau mo akoutou sakilifisio fakafetai, ti e lotou fakamanatu loa koutou ki lokoutou Atua. Ko au ko le Eteleno, ko lokoutou Atua.

Numelo 28:19

E kotou momoli loa se failaulau ki le Eteleno, ko se failaulau tutu e le afi, ko ni pipi tagata e lua, mo se ovi tagata e tasi, ti mo ni akeno fetuu taki tasi e fitu, e lotou lee mele fuli loa.

Kalate 4:10

E kotou tausi a aso, mo masina, mo temi, ti mo fetuu !

Kolose 2:16

Koia, ke aua na fakamaau kotou e se tasi i le nea kai mo le nea inu, pe i se aso lasi, pe i se masina foou, pe i se sapato :

Kolose 2:6

Koia o tupu kua kotou tali le Aliki ko Sesu-Kilisito, kotou saele iate ia,

Uluaki tosi a Samuele 20:5

Ti na tali loa Tavite kiate ia : Ko leinei, ko apogipogi ko le uluaki aso o le masina, ti e tonu ke kau kai fakatasi mo le sau ; tuku mai kau ano, ti e kau mumuni loa i faisaga o kaku ki le afiafi o le tolu o aso.

Uluaki tosi a Samuele 9:12

Na lotou tali loa kia laua, o pati : E io, e ano a ia i ou mua ; kae ke ke ano fakatavili, talie i le aso nei na au a ia ki le kolo talie e i ai se sakilifisio o uiga mo le kakai i le ganea tapu.