Numelo 27:20 - Tosi Tapu

²⁰ E ke tuku loa kiate ia se koga o lou pule, o tupu ke fakalogo kiate ia fanau fuli a Iselaele.

Numelo 27:20 ပူးပေါင်းရင်းမြစ်များ

Lua tosi o Sau 2:15

I le tio loa a vosa o le kau polofeta, ala na nonofo i Seliko ti na tutuu mei mamao, ki le nea leia na fai e Eliseo, na lotou pati loa : Kua ifo le laumalie o Elia kia Eliseo ! Ti na lotou au loa o fakafelavei kia Eliseo, o punou olatou ulu ki le kele i ona mua.

Uluaki tosi o Koloniko 29:23

Na eke loa Salomone ki le ekeekeaga fakasau o le Eteleno, ko le sau, o fetogi Tavite, lona tamana. Na manuia loa a ia, ti na fakalogo loa Iselaele katoa kiate ia.

Uluaki tosi o Koloniko 29:25

Na siki loa e le Eteleno a Salomone o taualuga lasi i mua o Iselaele katoa, ti na fakaliliu loa e ia lona sau o logologona ake i sau fuli o Iselaele i ona mua.

Numelo 11:17

E kau ifo mai loa, ti e kau masau loa kiate koe i lena. E kau too ia loa se potu o le laumalie leia e nofo iate koe, o tuku kia latou, ke lotou amo mo koe le kavega o le kakai, ti ke aua na ke amo toka tasi a ia.

Numelo 27:19

E ke fakatuu loa a ia ki mua o le tagata faisakilifisio ko Eleasale mo le kakai katoa, ti ke fakanofo loa a ia ko lou fetogi i olatou mua.

Numelo 27:21

E tuu loa a ia i mua o le tagata faisakilifisio ko Eleasale, leia e afa ia loa kiate ia le fakamaau a le Ulimi. Ti ko Sosue, mo fanau fuli o Iselaele mo ia, ti mo le fakatasi katoa, e mavae loa i le fakatotonu a Eleasale ti e ulu loa i lana fakatotonu.

Uluaki tosi a Samuele 10:6

E too loa a koe e le Laumalie o le Eteleno, ti e ke masau kikite loa mo latou, ti e ke liliu loa ko se tasi ake tagata kese.

Uluaki tosi a Samuele 10:9

I le temi fai leia na titua ai a Saulo ke mavae ia Samuele, na soli loa e le Atua kiate ia se loto foou, ti na soko loa a fakamailoga fuli ana i le aso lena.