Numelo 27:14 - Tosi Tapu

¹⁴ talie na kolua agatuu ki laku fakatotonu, i le toafa o Sini, i le aso leia na fakatupu fefele ai le kakai kiate au : Na leaise kolua fakasa loku maokioki i mata o fanau a Iselaele, i le aso leia na lotou tagi ai ki se vai. Ko vai ana o Melipa, vai o fefele, i Katesi, i le toafa o Sini.

Numelo 27:14 ပူးပေါင်းရင်းမြစ်များ

Ekesote 17:7

Ti na soli loa e Moisese ki le ganea lena le igoa ko Masa mo Melipa, talie na fakatupu fefele a fanau a Iselaele kia Moisese, ti na lotou asiasii le Eteleno, o pati : Pe nofo koia le Eteleno mo tatou, pe leai

Numelo 13:21

Na lotou pale loa, ti na lotou tioi loa le fenua, o kamata mei le toafa o Sini o kaku ki Leopoti, i le uluaga o Amati.

Numelo 20:1

Na kaku loa le fakatasi o fanau a Iselaele ki le toafa o Sini i le uluaki masina, ti na nofo loa le kakai i Katesi. I le ganea lena na mate ai loa Miliamu, ti na tanu loa a ia i ai.

Numelo 20:24

Ka mate loa Alone. Talie e leaise ulu loa a ia ki le fenua leia e kau soli ki fanau a Iselaele, o tupu na leaise kolua fakalogo ki laku fakatotonu, i le vai o Melipa.

Numelo 20:5

Kolea na kolua fakapale mai ai matou mei Esipito, ke motou au ki le ganea veli leinei ? E leaise ko se fenua leinei e feala ke to ai ni magiti ; e leaise maua fua se ga tafito fiki, pe ko se ga tafito vite, pe ko se ga tafito kelenati, ti e leaise maua fua se ga vai ke inu.

Numelo 27:15

Na masau loa Moisese ki le Eteleno, o pati :

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Tetelonome 1:37

Na sausaua foki le Eteleno kiate au, o tupu ko koutou, ti na pati loa a ia : Ko koe foki, e leaise ke ulu loa ki le fenua.

Tetelonome 4:22

E kau mate loa i le fenua leinei, e leaise kau fakalaka loa i le Solotane. Kae ko koutou, e kotou fakalaka loa, ti e kotou maua loa le fenua malie lena.