Numelo 26:55 - Tosi Tapu

⁵⁵ Kae e fai loa le vae o le fenua ki le toso ; e lotou maua loa a ia o mulimuli ki igoa o faasiga o olatou tamana.

Numelo 26:55 ပူးပေါင်းရင်းမြစ်များ

Taagapati 16:33

E fai se toso ke iloa le nea leia ke fai, Kae e au a tonu fuli mei le Eteleno.

Taagapati 18:18

Ko le toso e fakagato ia a visi, Ti e fakasa ia le tonu i le kau lalasi.

Esekiele 47:22

E kotou vaevae loa a ia ko lokoutou tofiga o mulimuli ki le toso, kia koutou mo matapule ala e nonofo i loto malie o koutou, ala e maua ia loa ni alatou fanau i loto malie o koutou ; e kotou tio loa kia latou ofaipe ni kakai totonu o le fenua o fanau o Iselaele ; e lotou vaevae loa mo koutou le tofiga o mulimuli ki le toso, i loto malie o faasiga o Iselaele.

Numelo 26:56

Ko le toso leia e soli ia loa a tofiga i le fenua, o fakatatau ki le api mo le teiki o le faasiga.

Numelo 33:54

Ke kotou vae loa le fenua ki le toso, o mulimuli ki okoutou faasiga. E kotou soli loa se kele lasi ki le faasiga leia e api lona kakai, mo se kele ikiiki ki le faasiga leia e teiki lona kakai. E maua loa e le faasiga taki tasi le fenua leia e soli loa kiate ia e le toso : E tuku atu loa le tofiga lena kia koutou, o mulimuli ki faasiga o okoutou tamana.

Numelo 34:13

Na fakasa loa e Moisese le fakatotonu lena ki fanau a Iselaele, o pati : Ko lena le fenua leia e tonu loa ke kotou vae ki le toso, le fenua leia na fakatotonu e le Eteleno ke soli ki faasiga e iva mo le vaelua.

Numelo 36:2

Na lotou pati loa : Na fakatotonu e le Eteleno kia Moisese ke vae le fenua i faasiga o Iselaele ki le toso. Na tuku foki e le Eteleno kia Moisese le fakatotonu ke soli le tofiga o Selofati, lomatou taina, ki ona taineliki.

Gaoi 1:26

Na lotou toso loa, ti na vilo loa le filifili kia Mateasi, leia na kau loa ki le kau apositolo e tino agafulu tupu tasi.

Kolose 1:12

Kotou fakafetai ki le Tamana, leia kua mafai ai ke kotou kau i le tofiga o le kau sagato i le malama ;

Sosue 11:23

Na too loa e Sosue le fenua katoa, o mulimuli ki nea fuli ala na fakasa e le Eteleno kia Moisese. Ti na tuku loa a ia e Sosue ki Iselaele ko lona tofiga, o vaevae i faasiga o Iselaele. Ti na malolo loa le fenua i le tau.

Sosue 14:2

Na fai le tufa ki le toso, o mulimuli ki le nea na fakatotonu e le Eteleno kia Moisese, ki faasiga e iva ti mo le vaelua.

Sosue 17:14

Na masau loa a vosa o Sosefo kia Sosue, o pati : Kolea na ke tuku ai loa kia matou se tofiga e tasi, kae ko leinei e motou api, talie na tapuaki le Eteleno kia matou o kaku mai ki le aso nei ?

Sosue 18:6

Ti ko koutou, e kotou fai loa se tosi o le fenua o vae fitu, ti kotou aumai loa a ia kiate au i leinei. E kau fai loa le toso kia koutou i leinei i mua o le Eteleno, lokoutou Atua.

Sosue 19:1

Ko le lua o vaega na tuku loa e le toso kia Simeone, ki le faasiga o vosa o Simeone, o mulimuli ki olatou famili. Na tuu loa lolatou tofiga i loto o le tofiga o vosa o Suta.

Sosue 19:10

Ko le tolu o tofiga leia na tuku loa e le toso na maua loa e vosa o Sapulone, o mulimuli ki olatou famili.

Sosue 19:17

Ko le fa o tofiga leia na tuku loa e le toso ki vosa o Isakale, o mulimuli ki olatou famili.

Sosue 19:24

Ko le lima o tofiga leia na tuku loa e le toso ki vosa o Asele.

Sosue 19:32

Ko le ono o tofiga na tuku loa e le toso ki vosa o Nefetali, o mulimuli ki olatou famili.

Sosue 19:40

Ko le fitu o tofiga na tuku loa e le toso ki le faasiga o vosa o Tane, o mulimuli ki olatou famili.