Numelo 26:54 - Tosi Tapu

⁵⁴ E ke soli loa kia latou ala e api se tofiga lasi, ti e ke soli loa kia latou ala e teiki se tofiga ikiiki ; e soli loa le tofiga o fuafua ki le api o le kakai i le tosi kaiga.

Numelo 26:54 ပူးပေါင်းရင်းမြစ်များ

Numelo 26:53

E vae loa le fenua kia latou, ke lotou maua tofiga a ia, o mulimuli ki le lasi o igoa.

Numelo 32:3

Ko Ataloti, mo Tiponi, mo Saesele, mo Nimila, mo Eseponi, mo Elale, mo Sepami, mo Nepo, mo Peoni,

Numelo 32:5

Ti na lotou toe pati loa kia Moisese : Kapau kua motou maua se kalasia i ou mata, tuku ke maua e au tagata fakasausau le fenua leinei, ti aua na ke tuku matou ke fakalaka i le Solotane.

Numelo 33:54

Ke kotou vae loa le fenua ki le toso, o mulimuli ki okoutou faasiga. E kotou soli loa se kele lasi ki le faasiga leia e api lona kakai, mo se kele ikiiki ki le faasiga leia e teiki lona kakai. E maua loa e le faasiga taki tasi le fenua leia e soli loa kiate ia e le toso : E tuku atu loa le tofiga lena kia koutou, o mulimuli ki faasiga o okoutou tamana.

Numelo 35:8

Ko kolo ala e kotou soli loa ki le kau Levi e fuafua lona lasi ki le lasi o le tofiga leia e maua e le faasiga taki tasi : ko leia e lasi lona tofiga e soli loa kiate ia o lasi, ti ko leia e ikiiki lona tofiga e soli loa kiate ia o ikiiki.

Sosue 17:14

Na masau loa a vosa o Sosefo kia Sosue, o pati : Kolea na ke tuku ai loa kia matou se tofiga e tasi, kae ko leinei e motou api, talie na tapuaki le Eteleno kia matou o kaku mai ki le aso nei ?

Sosue 19:9

Na too loa le tofiga o vosa o Simeone i le tofiga o vosa o Suta ; talie na ua lasi ai le tofiga o vosa o Suta kia latou : koia na tuku ai loa ki vosa o Simeone se tofiga i loto malie o le tofiga o vosa o Suta.