Numelo 25:4 - Tosi Tapu

⁴ Na pati loa le Eteleno kia Moisese : Fakatasii a pule fuli o le kakai, ti ke tautau latou ala kua agasala i mua o le Eteleno, o fakatio latou ki le laa, o tupu ke maliu kese le sausau o le Eteleno i Iselaele.

Numelo 25:4 ပူးပေါင်းရင်းမြစ်များ

Lua tosi a Samuele 21:6

ke tuku mai kia matou ni tagata e toka fitu i lona sokoga ti e motou tautau loa latou i mua o le Eteleno i Kipea o Saulo, le filifiliia a le Eteleno. Ti na pati loa le sau : E kau tuku atu loa latou.

Lua tosi a Samuele 21:9

ti na tuku loa e ia latou ki lima o le kau Kapaone, ala na tautau ia loa latou i aluga o le mauga i mua o le Eteleno. Na lotou mamate fakatasi fuli toka fitu ; na tamate latou i uluaki aso o le tuuti o le fulumeto, i le kamataaga o le tuuti o le olese.

Pesalemo 106:29

Na lotou fakatupu ia loa le sausau o le Eteleno i alatou gaoi, Ti na oso loa se malaia veli kia latou.

Ekesote 18:25

Na filifili loa e Moisese ni tagata poto i fanau fuli o Iselaele, ti na fakanofo loa e ia latou ke pule ki le kakai, ki le tino afe, mo le tino lelau, mo le tino lima, ti mo le tino agafulu.

Sonasi 3:9

Ko ai e iloa ia, pe leaise toe tafoki loa le Atua o fakasemala, ti mo fakafiti loa a ia ki lona sausau lasi, ti e feala loa ke aua na tou mamate ?

Numelo 25:11

Ko Finesi, vosa o Eleasale, vosa o le tagata faisakilifisio lasi ko Alone, na fakamaliu ia loku sausau mei fanau a Iselaele, talie na fakasa e ia le finenonofo o lona Atua i loto malie o fanau a Iselaele ; koia na leaise kau tamate ai latou, i loku finenonofo.

Numelo 25:18

Talie na lotou fai fakapikoi kia koutou ofaipe ni fili, i le faiganea o Peoli, mo le faiganea o Kosepi, taine o se pule o Matiane, lolatou tuagaane, leia na tamate i le aso o le malaia leia na soko loa i le faiganea o Peoli.

Tetelonome 13:11

E fenaaki loa, o tupu ke logo ti ke i a Iselaele katoa, ti ke aua na toe fai loa se agaveli fenaaki iate koe.

Tetelonome 13:13

Na i ai se kau tagata noa leia na mavae meiate koe ti na fakasalai ia le kakai o le kolo lena o pati : tou ano, o tausi ki ni atua kese, ki ni atua ala e leaise kotou iloa,

Tetelonome 13:15

Ti kapau e ke maua loa kua fai maoki le nea lena i loto malie o ou, ke ke tamate loa ki le seleta le kakai katoa o le kolo lena mo manu fuli, ti ke maumaui loa le kolo mo nea fuli ala e maua i ai.

Tetelonome 13:17

Ke aua na ke too ia loa se nea i nea fuli ala kua tapui kiate koe, o tupu ke fimalie le sausau o le Eteleno, ti ke fakasa loa e ia lona manava alofa mo lona kalasia kiate koe, o fakaliliu loa a koe o api, o fai ki lana fakapapau ki ou tamana,

Tetelonome 21:22

Kapau e tamate loa se tagata, leia na fai ia loa se agasala leia e tonu ke fakatuaa ki le mate, o ke tautau loa a ia ki se laakau,

Tetelonome 21:23

e leaise ke tuku loa le mate ke tau i le laakau i le pouli ki le ao. Kae e ke tanu loa a ia i le aso lena, talie ko leia e tau i le laakau ko se malaia a ia i mua o le Atua, ti e leaise ke fakakelekele loa le fenua leia e tuku atu loa kiate koe e le Eteleno, lou Atua, ke ke maua tofiga.

Tetelonome 4:3

Kua tio okoutou mata ki le nea leia na fai e le Eteleno o tupu ko Paale-Peoli : na maumaui loa e le Eteleno, lou Atua, latou fuli ala na kau ki le atolasio o Paale-Peoli.

Sosue 22:17

I Peoli, na tou fai ai se sala leia koi tou lolotoga kai nei foki ona fua i le aso nei, logo ai le malaia leia na tuku e le Eteleno i le aso lena ki lona kakai katoa ! Pe leaise feauga i ai ?

Sosue 23:2

Ti na tanaki loa e Sosue a Iselaele katoa, mo ona kau fakamatuatua, mo ona kau pule, mo ona kau tui fakamaau ti mo ona kau ofisa. Ti na pati loa a ia kia latou : Kua kau matua, ti kua lasi ai oku fetuu.