Numelo 25:11 - Tosi Tapu

¹¹ Ko Finesi, vosa o Eleasale, vosa o le tagata faisakilifisio lasi ko Alone, na fakamaliu ia loku sausau mei fanau a Iselaele, talie na fakasa e ia le finenonofo o lona Atua i loto malie o fanau a Iselaele ; koia na leaise kau tamate ai latou, i loku finenonofo.

Numelo 25:11 ပူးပေါင်းရင်းမြစ်များ

Lua tosi a Samuele 21:14

Na tanu loa a ivi o Saulo mo lona vosa i le fenua o Pesamino, i Tesela, i le tanuma o Kise, tamana o Saulo. Ti na fai loa a nea fuli ala na fakatotonu e le sau. I le oki o le nea lena, na fimalie loa le Atua ki le fenua.

Uluaki tosi o Sau 14:22

Na fai loa e Suta le nea leia e veli ki mata o le Eteleno ; ti na lotou fakatupu loa le finenonofo o le Eteleno ki agasala ala na lotou fai loa, o lasi ake i olatou tamana.

Pesalemo 106:23

Ti na masau loa a ia ke tamate latou ; Kae na tuu loa i ona mua Moisese, lana filifiliia, Ke fakamaliu lona sausau ti ke taofi a ia ke maumaui le kakai.

Pesalemo 106:30

Na tuu ake loa Finesi o fai le nea leia na tonu ke fai, Ti na tuu loa le malaia ;

Pesalemo 106:31

Na lau loa le nea lena kiate ia ko se faitotonu I tautupu ki tautupu, o lee gato.

Pesalemo 78:58

Na lotou fakatupu ia loa lona sausau ki olatou ganea taualuga, Ti na lotou fakatupu ia loa lona finenonofo ki olatou fakatata.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Ekesote 22:5

Kapau e fai e se tagata se maumau i se faisaga, pe ko se vite a se tasi ake tagata, pe tuku e ia lana manu ke kai i le faisaga a se tasi ake tagata, e soli loa e ia a fua malilie o lana faisaga pe ko lana vite ke totogi ai le maumau.

Ekesote 34:14

E leaise ke punou loa ki se atua kese ; talie e maua e le Eteleno le igoa ko finenonofo, ko se Atua finenonofo a ia.

Esekiele 16:38

E kau fakamaui loa a koe ofaipe le fakamaui o fafine faiaga mo fafine ala e liligi ia le toto. E kau fakaliliu loa a koe ko se vikitima kua apele i le toto, talie e vilo loa loku sausau mo loku finenonofo kiate koe.

Naume 1:2

Ko le Eteleno ko se Atua finenonofo, E totogi e ia ; e apele a ia i le itaita ; E totogi e le Eteleno kia latou ala e agatuu kiate ia, E taofi e ia lona ita ki ona fili.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Numelo 25:10

Na masau loa le Eteleno kia Moisese, o pati :

Soane 3:36

Ko leia e tui ki le Alo e maua e ia le mauli lee gato ; ko leia e leaise tui ki le Alo e leaise toe tio loa a ia ki le mauli, kae e nofo loa le sausau o le Atua iate ia.

Uluaki tosi ki le kau Kolinto 10:22

Pe tou loto ke tou fakatupu ia le finenonofo o le Aliki ? Pe tou makeke ake iate ia ?

Lua tosi ki le kau Kolinto 11:2

Talie e kau finenonofo kia koutou i se finenonofo o le Atua, talie kua kau fakatasii koutou ki se tagata avaga e tasi, o tupu ke kau fakaali koutou kia Kilisito ofaipe se taupoou mea.

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Tetelonome 32:16

Na lotou lagai loa lona finenonofo ki ni atua kese, Ti na lotou fakatupu loa lona sausau ki ni nea fakalialia.

Tetelonome 32:21

Na lotou lagai loku finenonofo ki se nea leia e leaise Atua, Na lotou fakatupu loku sausau ki olatou atua noa ; Ti ko au, e kau lagai loa lolatou finenonofo ki se nea leia e leaise ko se kakai, Ti e kau fakatupu ia loa lolatou ita ki se puleaga leia e sala atamai.

Tetelonome 4:24

Talie ko le Eteleno, lou Atua, ko se afi maumau a ia, ko se Atua finenonofo.

Sosue 22:13

Na kakau loa e fanau a Iselaele a Finesi, vosa o le tagata faisakilifisio ko Eleasale, ke ano ki le fenua o Kalaate o masau ki vosa o Lupeni, mo Kate, ti mo le vaelua o Manase,

Sosue 24:19

Na pati loa Sosue ki le kakai : E leaise kotou maua ia loa le makeke ke tausi ki le Eteleno, talie ko se Atua maokioki a ia, ko se Atua fuaa ; e leaise fakamolemole loa e ia akoutou patigataa mo akoutou agasala.