Numelo 25:1 - Tosi Tapu

¹ Na nofo loa Iselaele i Sitime ; ti na kamata fai feauaki loa le kakai ki taineliki o Moape.

Numelo 25:1 ပူးပေါင်းရင်းမြစ်များ

Lua tosi o Sau 23:7

Na soloi loa e ia a fale o le kau faiaga ala na tuu i le fale o le Eteleno, ala na tui ai e fafine ni falela kia Asetalate.

Pesalemo 106:28

Na lotou pipiki loa kia Paale-Peoli, Ti na lotou kai loa ki ni vikitima na momoli ki le kau mate.

Ekesote 22:19

Ko leia e momoe mo se manu, e tonu ke fakatuaa a ia ki le mate.

Ekesote 34:15

Tokaga ai kiate koe, ke aua na ke fai ia se sai mo le kakai o le fenua, talie ke aua na ke tausi ki olatou atua ti mo ke momoli ni sakilifisio kia latou, ti ke lotou fakaafe loa a koe, o ke kai loa ki alatou vikitima ;

Ekelesiasi 7:26

Ti na kau maua foki e kona ake i le mate le fafine leia e tatau lona loto mo se masele ti mo se kupega, ti e tatau ona lima mo ni sai. Kae ko leia e malie ki mata o le Atua e sao loa mei le fafine lena, kae e piki ia loa le tagata agasala i lana masele.

Selemia 40:11

Na logo loa le kau Sutea katoa, leia na nofo i le fenua o Moape, mo le fenua o le kau Amone, mo le fenua o Etome, mo fenua fuli, kua tuku e le sau o Papilone se ga toetoega i Suta, ti kua fakanofo e ia Ketalia, vosa o Asikame, vosa o Safani, ke pule kia latou.

Esekiele 20:21

Kae na agatuu loa a vosa kiate au. Ti na leaise lotou mulimuli loa ki aku pelesepeto, ti na leaise lotou tausi mo fai loa aku fakatotonu, ala na tonu ke fai e le tagata ke mauli ai, ti na lotou maumaui loa aku sapato. Na kau maua loa le manatu ke liligi loku sausau kia latou, ke fakavilo loku sausau katoa kia latou i le toafa.

Oseo 9:10

Na kau maua Iselaele ofaipe ni fuai vite i le toafa, Na kau tio ki okoutou tamana ofaipe uluaki fua o se fiki ; Kae na lotou ano kia Paale-Peoli, Na lotou fakatapu latou ki le taulaatua fakalialia, Ti na lotou liliu o fakalialia ofaipe le nea leia na lotou alofa ki ai.

Mikea 6:5

Ei loku kakai, manatui le nea leia na fakatuutuu e Palaki, sau o Moape, Ti mo le nea leia na tali kiate ia e Palaami, vosa o Peoli, Mei Sitime i Kilikale, O tupu ke ke iloa a tapuakina a le Eteleno.

Numelo 25:17

Taui le kau Matiane ofaipe ni fili, ti ke tamate latou !

Numelo 31:2

Tau ki le kau Matiane o tupu ko fanau a Iselaele ; ti oki, ti ke mate loa.

Numelo 33:49

Na lotou fakatuu loa olatou falela i tafa o le Solotane, i le vasa o Pete-Sesimoti mo Apele-Sitime, i le fenua o Moape.

Numelo 7:15

mo se pipi tagata muli, mo se ovi tagata, mo se akeno fetuu tasi, ki le failaulau ;

Uluaki tosi ki le kau Kolinto 10:8

Aua na tou fai feauaki, ofaipe le fai a ni iki o latou, o tupu ai le mate o le tino lua tupu tolu afe i se aso fai e tasi.

Tetelonome 3:29

Na tou nonofo loa i le vaivailiua lena, i mua o Pete-Peoli.

Tetelonome 32:38

A atua ala na kai ia a gako o alatou sakilifisio, Ti na inu ia a vino o alatou moliga ? Ke lotou tutuu mai ki aluga, ti ke lotou saofaki koutou, Ke lotou puipui koutou !

Tetelonome 4:3

Kua tio okoutou mata ki le nea leia na fai e le Eteleno o tupu ko Paale-Peoli : na maumaui loa e le Eteleno, lou Atua, latou fuli ala na kau ki le atolasio o Paale-Peoli.

Sosue 2:1

Na kakau fakafufu loa e Sosue, vosa o Nune, mei Sitime ni tagata esipio e toka lua, o pati kia laua : Ke kolua ano o tioi le fenua kae tafito a Seliko ! Na la ano loa, ti na la ulu loa ki le fale o se fafine faiaga, ti ko le igoa o le fafine lena ko Laape, ti na la momoe loa i ai.

Sosue 22:17

I Peoli, na tou fai ai se sala leia koi tou lolotoga kai nei foki ona fua i le aso nei, logo ai le malaia leia na tuku e le Eteleno i le aso lena ki lona kakai katoa ! Pe leaise feauga i ai ?

Sosue 3:1

Na tuu ake loa Sosue i le mafoata, a ia mo fanau fuli o Iselaele. Ti na lotou mavae loa i Sitime, o lotou ano loa o kaku ki le Solotane. Ti na lotou nonofo loa i ai i le pouli, i mua o le fakalaka i le Solotane.

Apokalipisi 2:14

Kae ko le nea leia e kau fakafesagai ai kiate koe, talie e ke maua i lena ni kakai ala kua pipiki ki le akonaki a Palaame, leia na ako ia kia Palake ke tuku se fatu fakatupu siga i mua o vosa o Iselaele, o tupu ke lotou kai ni inati kua momoli ki taulaatua ti ke lotou fai feauaki.