Numelo 24:6 - Tosi Tapu

⁶ E lotou mafolafola ofaipe ni vaivailiua, Ofaipe ni oloto e ofi ki se vaitafe, Ofaipe ni aloese na to e le Eteleno, Ofaipe ni sete i tafa o se vai.

Numelo 24:6 ပူးပေါင်းရင်းမြစ်များ

Senesi 13:10

Na siki loa e Lote ona mata ki aluga, ti na tio loa a ia ki le fenua o le Solotane leia na laumalie katoa ti na fakavai katoa. O kaku ki Tesoa, i mua o le maumaui o Sotoma mo Komola e le Eteleno, na fai a ia pe se oloto a le Eteleno, na fai a ia pe le fenua o Esipito.

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Pesalemo 104:16

E inu laakau a le Eteleno o mau, A sete o Lipane, ala na to e ia.

Pesalemo 45:8

E ke alofa ki le faitotonu, kae e ke vesia ki le agaveli : Koia, ei Atua, ko lou Atua na takai ia a koe Ki se lolo o le fiafia, o lasi ake i ou kaukaunea.

Katiko o Katiko 6:11

Na kau ifo ki le oloto o tuitui, O tio pe kua sosomo le vao i le vaivailiua, O tio pe kua somo le vite i faisaga, Pe kua se a kelenati.

Esaia 41:19

E kau tuku loa i le toafa le sete, mo le akasia, Le mila mo le olive ; E kau tuku loa i le potu kele kaka Le sipele, mo le oleme, ti mo le pui, fakatasi fuli ;

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Selemia 17:18

Ke luma latou ala e fakaveliveli mai kiate au, kae ke aua na kau luma ; Ke lotou lulu, kae ke aua na kau lulu, a au ! Tuku ke au kia latou le aso o le malaia, Taai latou ki se tautea o tua lua !

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Esekiele 47:12

I laugutu o le vaitafe e sosomo ai loa a laakau fua kesekese. Ti e leaise toe gini loa olatou lau ti e leaise toe gato loa lalatou fua. E leleu loa a fua o laakau i masina fuli, talie e fakavai loa latou e le vai leia e ifo i le fale tapu. Ti e kai loa a fua o laakau, kae faitoo loa ki olatou lau.

Soele 3:18

I le temi lena, e tafe loa le vino mei mauga, E sali loa le sua u mei mauga liliki, Ti e i ai loa se vai i liua fuli o Suta ; E mapuna loa se matapuna vai mei le fale o le Eteleno, O fakavai loa le vaivailiua o Sitime.

Numelo 24:5

E fulumalie ai ou falela, ei Sakopo ! Ou nofoaga, ei Iselaele !