Numelo 24:17 - Tosi Tapu

¹⁷ E kau tio ki ai, kae e leai nei ; E kau tio ki ai, kae koi mamao : E ulu se fetuu meia Sakopo, E malaga se sau i Iselaele. E taai e ia a vakavaka o Moape, Ti e tamate e ia a vosa fuli o Seti.

Numelo 24:17 ပူးပေါင်းရင်းမြစ်များ

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Lua tosi a Samuele 8:14

Na tuku loa e ia ni kau solia i Etome, na tuku loa e ia ni kau solia i Etome katoa. Ti na popula loa Etome katoa kia Tavite. Na puipui e le Eteleno a Tavite i ganea fuli ala na ano a ia ki ai.

Lua tosi a Samuele 8:2

Na taai foki e ia le kau Moape, ti na fakamomoe loa e ia latou ki le kele, kae fuafua loa e ia latou ki se maea ; ti na fuafua loa e ia ki le maea o tua lua ke tamate, kae na fuafua loa e ia ki le maea o tua tasi ke fakamauli. Ti na popula loa le kau Moape kia Tavite, o lotou totogi loa kiate ia se tukusau.

Lua tosi o Sau 3:5

I le mate o Akapo, na agatuu loa le sau o Moape ki le sau o Iselaele.

Uluaki tosi o Koloniko 18:2

Na tamate loa e ia le kau Moape, o fakapopula latou kia Tavite ti na lotou totogi kiate ia se tukusau.

Pesalemo 110:2

E fakamafola loa e le Eteleno mei Sione le tokotoko o lou mafimafi : Ke ke pule i loto malie o ou fili !

Pesalemo 45:6

E matakakai au gasau ; E sisiga loa ki lalo ni puleaga i ou vae ; E lotou pupui loa a mafu o fili o le sau.

Esaia 15:1

Folafola ki Moape. I le po totonu leia na maumaui ai Moape, Na toe maumaui ai foki Ale-Moape ! I le po totonu leia na maumaui ai Moape, Na toe maumaui ai foki Kile-Moape !…

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Selemia 48:1

O uiga mo Moape. E folafola le Eteleno o kau tau, le Atua o Iselaele, o pati : Malaia kia Nepo, talie kua maumaui a ia ! Luma kia Kiliataimi, talie kua too a ia ! Luma kia Misikape, talie kua fati a ia.

Selemia 48:45

I le malu o Eseponi e manavanava latou na sosola kua gagae ; Kae e ulu mai se afi mei Eseponi, Se ula mei loto malie o Sioni, E kai e ia a vakavaka o Moape, Ti mo tumuaki o le ulu o vosa o le maveuveu.

Sakalia 10:4

E ulu loa meiate ia le fatu agele, meiate ia le fao, meiate ia le kalolo tau, E ulu loa meiate ia a pule tau fuli, fakatasi.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Numelo 21:29

Malaia kiate koe, Moape ! Kua ke puli noa, kakai o Kemosi ! Kua sosola ou vosa ! Ti kua popula ou taineliki Kia Sioni, sau o le kau Amole.

Numelo 24:16

Ko leinei le folafola a leia e logo ki folafola a le Atua, A leia e iloa ia a fakatuutuu loloto a le Taualuga, A leia e tio ki le tio a le Mafimafi, A leia e punou kae mavaa ona mata.

Luka 1:78

O tupu ko le manavaalofa mo le agamalie o lotatou Atua, Leia na mu ai le laa kia tatou mei aluga,

Epelo 1:8

Kae na pati a ia ki le Alo : Ko lou ekeekeaga fakasau, ei Atua, e lee gato ; Ko le tokotoko o lou pule ko se tokotoko maokioki ;

Epelo 7:14

talie kua sa maoki na tupu lotatou Aliki meia Suta, faasiga leia na leaise masau ki ai Moisese ki le tulaga fakapelepitelo.

Lua tosi a Petelo 1:19

Ti e motou fakamaoki ki le folafola kikite, leia e tonu ke kotou tokaga lasi ki ai, ofaipe se malama leia e mu i se ganea fakapouli, o kaku ki le mafoa mai o le ao, ti ke sopo le fetuu ao i okoutou loto.

Suta 1:11

Malaia kia latou ! Talie kua lotou muli i le ala o Kaino, ti kua lotou fakatau latou o tupu ko se totogi ki le sese o Palaame, ti kua lotou mamate i le agatuu a Kole.

Apokalipisi 1:7

Ko leinei, e au a ia mo ni ao. Ti e tio loa kiate ia a mata fuli, ti mo latou foki ala na sokai ia a ia ; ti e tagi mamae loa a faasiga fuli o le malama nei o tupu ko ia. Io. Amene !

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 22:16

Ko au Sesu, kua kau kakau mai laku aselo ke fakasa atu kia koutou a nea anei i atu Ekelesia. Ko au ko le afusa mo le sakoga o Tavite, ko le fetuu ao gigila.

Uluaki tosi a Samuele 14:38

Na pati loa Saulo : Kotou fakafeofi mai ki leinei, koutou fuli ko pule o le kakai ; kotou afa ti kotou tioi pe na fefeaki le soko o le agasala lena i le aso nei.