Numelo 24:10 - Tosi Tapu

¹⁰ Na mu loa le ita o Palake kia Palaame ; ti na pasipasi loa e ia ona lima, o pati kia Palaame : Na kau aumai a koe ki leinei ke ke fakamalaia oku fili, ti ko leinei, kua tua tolu loa lau tapuaki kiate ia !

Numelo 24:10 ပူးပေါင်းရင်းမြစ်များ

Neemia 13:2

o tupu na leaise lotou au ki mua o fanau a Iselaele mo se pane ti mo se vai, kae na lotou totogi ki le paaga a Palaami ke au o tutuku latou ; kae na fetogi loa e lomatou Atua le tutuku ki le tapuaki.

Sopo 27:23

E pasipasi a lima i lona vilo, Ti e mapumapu kiate ia i lana ano.

Esekiele 21:14

Vosa o le tagata, kikite, o pati : E folafola le Eteleno. Pati : Ko le seleta ! Ko le seleta ! Kua fakakakai a ia, ti kua gigila a ia !

Esekiele 21:17

Tagi mo tagi laulau, vosa o le tagata ! Talie kua tosoi a ia ki loku kakai, Ki aliki fuli o Iselaele ; Kua tuku latou ki le seleta mo loku kakai : Koia ke ke pa ki lou tega !

Esekiele 22:13

Ko leinei, kua kau pasipasi oku lima, kakai o Selusalemi, o tupu ko ou koloa kaia ti mo le toto leia na liligi i loto malie o ou.

Numelo 22:11

Ko leinei se kakai leia na mavae mei Esipito ti kua mafolafola i le fenua ; au loa, o ke tuku kiate ia se malaia ; lagi feala ai loa ke kau malo iate ia i le tau, ti ke kau kapu ia loa a ia.

Numelo 22:17

Talie e kau soli atu loa kiate koe se fakapale lasi, ti e kau fai loa kiate koe a nea fuli ala e ke pati mai loa kiate au ; e kau kole atu kiate koe, ke ke au, o fakamalaia le kakai leinei.

Numelo 22:6

E kau kole atu kiate koe, ke ke au o tuku se malaia ki le kakai leinei, talie e api ake a ia iate au : e lagi feala ai loa ke kau malo iate ia, ti ke kau kapu a ia i loku fenua, talie e kau iloa ko leia e ke tapuaki ki ai e tapuakii loa a ia, ti ko leia e ke tuku ki ai se malaia e malaia loa a ia.

Numelo 23:11

Na pati loa Palake kia Palaame : Kolea le nea leia kua ke fai mai kiate au ? Na kau too a koe ke ke tuku le malaia ki oku fili, ti ko leinei, kua ke tapuakii a ia.

Numelo 24:11

Sola nei, ano ki lou kaiga ! Na kau pati ke kau tuku loa kiate koe ni fakapale, kae kua taofi a koe e le Eteleno ke aua na ke tali latou !

Numelo 24:9

E peluki e ia ona tuli, ti e moe a ia ofaipe se laione tagata, ofaipe se laione fafine : Ko ai e toe fakatuu ia loa a ia ki aluga ? Ke tapuakina leia e tapuaki loa kiate koe, Ti ke malaia leia e fakamalaia loa a koe !

Gaoi 11:10

Na soko loa le nea lena o tua tolu, ti na toe too loa a nea fuli ki le lagi.

Tetelonome 23:6

Ke aua na afa loa i se aso le malolo mo le malie o kakai ana e lua, i le temi katoa o lou mauli.