Numelo 23:21 - Tosi Tapu

²¹ E leaise tio fua a ia ki se agasala ia Sakopo, E leaise tio fua a ia ki se agatuu ia Iselaele. E nofo le Eteleno, lolatou Atua, mo ia, Ko ia ko lona sau, ko le tupuaga o lona fiafia.

Numelo 23:21 ပူးပေါင်းရင်းမြစ်များ

Lua tosi o Koloniko 13:12

Ko leinei, e nofo le Atua mo ana tagata faisakilifisio mo matou, e lotou takitaki matou, ti e motou maua a fakatagi pupusi ke pupusi o fakafesagai kia koutou. Fanau o Iselaele, aua na kotou tau ki le Eteleno, le Atua o okoutou tamana, talie e leaise kotou malo loa.

Pesalemo 103:12

Ofaipe le potu esite e mamao i le potu uesite, E toe fakamamao loa e ia atatou agasala ia tatou.

Pesalemo 118:15

E malaga ni kalaga o le malo mo le fakamauli i falela o le kau agatonu : E fakasa e le lima atamai o le Eteleno lona mafimafi !

Pesalemo 135:21

Mei Sione ke fakafetai ki le Eteleno, Leia e nofo i Selusalemi ! Kotou fakafetai ki le Eteleno !

Pesalemo 23:4

Ka kau saele i le vaivailiua o le malu o le mate, E leaise kau i fua ki se nea veli, talie e ke nofo mo au : Ko lou tokotoko mo lou malomu e fakafimalie ia au.

Pesalemo 32:2

Manuia le tagata leia e leaise lau ki ai e le Eteleno lana agaveli, Ti e leaise maua se kaka i lona loto !

Pesalemo 32:5

Na kau fakasa kiate koe laku agasala, Na leaise kau fufu laku agaveli ; Na kau pati : E kau vevete loa aku patigataa ki le Eteleno ! Ti na ke soloi le tua o laku agasala. - Manava.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:7

E taugaoi ni puleaga, ti e sosolo ni puleaga ; Kae ka fakasa e ia lona leo, ti e liliu o vai le malama nei i le i.

Pesalemo 97:1

E sau le Eteleno ; ke fiafia lasi le malama nei ; Ke fiafia a atu motu mauke !

Pesalemo 99:2

E lasi le Eteleno i Sione, E siki a ia i aluga o atu kakai fuli.

Ekesote 13:21

Na ano loa le Eteleno i olatou mua i le ao i se fa pou afu, o taki latou i le ala ; ti e i le pouli i o se fa pou afi, o fakamalama latou, o tupu ke lotou saele i le ao mo le pouli.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Esaia 1:18

Kotou au, ti ke tou masau fakatasi ! e pati le Eteleno. Kapau e kula akoutou agasala ofaipe le toto, e lotou liliu loa o tea ofaipe le nive ; Kapau e lotou kula ofaipe le pulupe, e lotou liliu loa o tea ofaipe le fului akeno tea.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 33:21

Ko lena le ganea leia e sa ai loa le fulumalie o le Eteleno kia tatou. E maua loa i ai ni liua kia tatou, ni vaitafe lalasi Ala e leaise ulu loa ki ai ni vaka foe, Ti e leaise ano ai loa se vaka tau.

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Esaia 38:17

Ko leinei, kua liliu oku mamae totonu ko loku fakamauli ; Ti na ke fiafia i lau too loku laumalie mei le popoko o le maumau, Talie na ke tiaki ki ou muli aku agasala fuli.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 8:10

Kotou fai ni fakatuutuu, ti e lotou ano noa loa ; Kotou tuku ni fakatotonu, ti e leaise lotou aoga loa : Talie e kau le Atua mo matou.

Selemia 50:20

I aso ana, i le temi lena, e pati le Eteleno, E afa loa le agaveli a Iselaele, ti e leaise maua loa a ia, Le agasala a Suta, ti e leaise maua loa a ia ; Talie e kau fakamolemole loa ki le toetoega leia e kau tuku loa i le fenua.

Esekiele 48:35

Ko le loa o le kaua leia e takatakai ia loa le kolo katoa : ko kilometa e iva. Ti e igoa loa le kolo i le aso lena : Ko le agaiaga o le Eteleno.

Soele 2:27

Ti e kotou iloa loa e kau nofo i loto malie o Iselaele, Ti ko au ko le Eteleno, lokoutou Atua, ti e leai se tasi ake atua kese iate au, Ti e leaise toe nofo loa loku kakai i le luma.

Levitiko 9:24

Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.

Numelo 14:18

E kataki fualoa le Eteleno, ti e apele a ia i le manava alofa, ti e fakamolemole e ia a agasala mo patigataa ; kae e leaise fakatonuia e ia le tagata agasala, ti e tautea e ia a agasala o tamana ki vosa o kaku ki le tolu mo le fa o tautupu.

Numelo 14:19

Eteleno, fakamolemole ki le sala o lou kakai o mulimuli ki le lasi o lou agamalie, ofaipe lau fakamolemole tuumau kiate ia talu mei Esipito o kaku mai ki leinei.

Numelo 16:3

Na lotou fakatasi loa o fakatutuu kia Moisese mo Alone, ti na lotou pati loa kia laua : Kua lasi ai lakoulua fia pule kia matou ! talie e maokioki le fakatasi katoa, e motou maokioki fuli, ti e nofo le Eteleno i loto malie o lona kakai, ti e nofo le Eteleno i loto malie o latou. Kolea e kolua malaga ai i aluga o le fakatasi a le Eteleno ?

Numelo 9:22

Kapau na tuu le ao i aluga o le tapenakulo i ni aso e lua, pe ko se masina e tasi, pe ko se fetuu katoa, na nonofo fanau a Iselaele i olatou falela, ti na leaise lotou fanoga loa. Ti ka malaga loa le ao, na lotou fanoga loa.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Loma 6:14

Talie e leaise maua loa e le agasala se pule kia koutou, talie e leaise kotou nonofo i le lao, kae i le kalasia.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Lua tosi ki le kau Kolinto 2:14

Ke fakafetai ki le Atua, leia e tuku ia kia tatou le malo tuumau ia Kilisito, ti mo liligi ia kia tatou le manogi o lona iloa i ganea fuli !

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Tetelonome 31:23

Na tuku loa e le Eteleno ana fakatotonu kia Sosue, vosa o Nune. Na pati loa a ia : Ke ke fakamakeke mo ke loto makeke, talie ko koe leia e fakaulu ia loa fanau a Iselaele ki le fenua leia na kau fakapapau ke soli kia latou ; ti e kau nofo totonu loa mo koe.

Tetelonome 32:5

Kapau kua kotou agasala, e leaise tuku loa kiate ia le sala ; Ko le luma ki ana fanau, Lanu kaka mo aga fakalialia.

Tetelonome 33:5

Na sau a ia i Iselaele, I le aso leia na fakatasi ai a pule o le kakai Ti mo faasiga fuli o Iselaele.

Tetelonome 9:24

E talu laku iloa koutou, mo lakotou fakatutuu tuumau ki le Eteleno.

Tuifakamaau 6:13

Na pati loa a Seteone kiate ia : Ei loku Aliki, kapau e nofo le Eteleno mo matou, kolea e soko ai loa a nea fuli anei kia matou ? Ti kofea a nea fakamanamana fuli ala na fakamatala mai kia matou e omatou tamana, o pati : Pe na leaise fakamavae matou e le Eteleno mei Esipito ? I le aso nei kua tiaki matou e le Eteleno, ti kua tuku e ia matou ki lima o Matiane.

Uluaki tosi a Samuele 25:28

E kau kole atu kiate koe, ke ke fakamolemole mai ki le sala a lau fafine fakasausau, talie ko le maoki e fai loa e le Eteleno ki loku aliki se fale lee gato ; ke ke fakamolemole, talie e maoki e fai e loku aliki a tau a le Eteleno, ti e leaise maua fua se agaveli iate koe.