Numelo 23:19 - Tosi Tapu

¹⁹ Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Numelo 23:19 ပူးပေါင်းရင်းမြစ်များ

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Uluaki tosi o Sau 14:11

Ko leia o le fale o Selopoamo e mate loa i le kolo e kai loa e kuli, ti ko leia e mate loa i faisaga e kai loa e manu lele o le lagi. Talie kua masau le Eteleno.

Lua tosi o Sau 15:12

Koia na soko ia loa le nea leia na fakasa fakatomua e le Eteleno kia Seu, o pati : E ekeeke loa ou vosa i le ekeekeaga fakasau o Iselaele, o kaku ki le fa o tautupu.

Lua tosi o Sau 7:2

Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Uluaki tosi o Koloniko 17:17

Kae ko se nea noa lena kiate koe, ei Atua ! talie kua ke toe masau foki ki le fale o lau tagata fakasausau i le temi ka au. Ti kua ke fai kiate au, ei Eteleno Atua, pe se tagata, a koe leia e taualuga !

Pesalemo 110:4

Na fakapapau le Eteleno, ti e leaise toe fakasemala loa a ia ki ai : Ko le tagata faisakilifisio a koe o lee gato, i le faasiga o Melekiseteke.

Pesalemo 132:11

Na fakapapau le Eteleno kia Tavite i le maoki, E leaise toe liliu loa a ia ki muli : E kau fakaeke loa i lou ekeekeaga fakasau se fua o lou manava.

Pesalemo 77:9

Pe kua gato loa lona agamalie o lee gato ? Pe kua puli loa lana folafola o lee gato ?

Pesalemo 89:34

Kae e leaise kau too loa iate ia loku agamalie, Ti e leaise kau fakafiti loa loku agatonu.

Pesalemo 89:35

E leaise kau maumaui loa laku sai, ti e leaise kau fetogi loa le nea leia na ulu mei oku laugutu.

Esaia 21:17

E toe loa se ga toka teiki fua o le kau faikalolo makeke o vosa o Ketale, Talie kua folafola le Eteleno, le Atua o Iselaele.

Esaia 31:2

Kae e poto foki mo ia, e aumai e ia le malaia, Ti e leaise toe too e ia ana folafola ; E tuu loa a ia ki aluga ki le fale o le kau agaveli, Ki le tokoi a latou ala e fai ia le agaveli.

Esaia 40:8

E malo le mutie, e vilo le se ; Kae e tuu le folafola a lotatou Atua o lee gato.

Esaia 46:11

Ko au leia e kalagai ia mei le potu esite se manu lele fekai, Mei se kele mamao se tagata ke fakasoko ia aku fakatuutuu, Na kau fakasa a ia, ti e kau fai loa a ia ; Na kau fakakaukaui a ia, ti e kau fakasoko loa a ia.

Esaia 55:11

E tatau foki mo laku folafola, leia e ulu mei loku gutu : E leaise toe liliu mai a ia kiate au sala fua, Kae e leikiaise fai e ia loku finegalo Ti mo fakasoko aku fakatuutuu.

Selemia 4:28

O tupu ko le nea lena, e mamae loa le fenua, Ti e fakapouli loa a atu lagi i aluga ; Talie na kau fakasa a ia, na kau fakapapau a ia, Ti e leaise kau toe fakasemala i ai, E leaise kau toe liliu loa ki muli.

Taniela 4:28

Na soko loa a nea fuli ana ki le sau ko Nepukatenesale.

Oseo 11:9

E leaise kau fai loa o mulimuli ki loku sausau kaka, E kau fakafiti ke maumaui Efalaimi ; Talie ko au ko le Atua, kae leai ko se tagata. Ko au ko le Sagato i loto malie o ou ; E leaise kau au loa mo le ita.

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Malakia 3:6

Talie ko au ko le Eteleno, e leaise kau fetogi. Ti ko koutou, fanau a Sakopo, na leaise kotou fetogi foki.

Numelo 14:35

Ko au, ko le Eteleno, kua kau masau ! Ti e kau fai maoki loa le nea lena ki le kakai agaveli leinei, leia kua fakatasi o fakafesagai mai kiate au. E lotou mamate fuli loa i le toafa.

Numelo 23:18

Na fai loa e Palaame lana folafola fakatata, o pati : Tuu ki aluga, Palake, ti ke fakalogo mai kiate au ! Fakalogo totonu mai kiate au lou taliga, vosa o Tesipoli !

Luka 21:33

E puli le lagi mo le kele, kae e leaise puli aku folafola.

Loma 11:29

Talie e leaise toe fakasemala le Atua ki ana nea alofa ala kua soli ti mo lana kalaga.

Loma 9:6

E leaise kau pati na leaise fua le folafola a le Atua. Talie e leaise Iselaele latou fuli ala e au meia Iselaele.

Lua tosi kia Timoteo 2:13

kapau e leaise tou agatonu, e agatonu a ia, talie e leaise mafai ke fakafiti a ia kiate ia totonu.

Tito 1:2

ala e fakatafito ki le amanaki malie o le mauli lee gato, leia na fakapapau i mua o sekulo fuli e le Atua leia e leaise loi,

Epelo 6:18

o tupu, i nea ana e lua ala e leaise toe fetogi ti e leaise feala ke loi ai le Atua, ke tou maua se loto makeke lasi, e tatou ala ko lotatou mumuniaga e tasi ko le kukumi o le amanaki malie leia kua tuku mai kia tatou.

Epelo 7:21

talie na soko le kau Levi ko tagata fai sakilifisio sala fakapapau, kae na soko Sesu ko le tagata fai sakilifisio i leia na pati kiate ia : Kua fakapapau le Aliki, ti e leaise toe fakasemala loa a ia : Eke tagata fai sakilifisio o lee gato, Omulimuli ki le faasiga o Melekiseteke ;

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Sakopo 4:5

Pe kotou masalo e masau noa le Tosi ? E finenonofo le Atua ki le Laumalie leia kua fakanofo e ia ia tatou.

Sosue 21:45

Na leaise tiaki noa loa se nea fua e tasi i folafola malilie ala na fai e le Eteleno ki le fale o Iselaele, na lotou soko fuli loa.

Uluaki tosi a Samuele 15:29

Ko ia leia ko le makeke o Iselaele e leaise loi ti e leaise toe fakasemala, talie e leaise ko se tagata a ia ke fakasemala.

Uluaki tosi a Samuele 3:12

I le aso lena e kau fakasoko loa kia Eli a nea fuli ala kua kau fakasa ki lona fale ; e kau kamata loa ti e kau fakaoki loa.